Levitikus 26:11 - An Bibel Kernewek 20234 (Kernewek Kemmyn)

¹¹ Ha my a sett ow thabernakel yn agas mysk, ha ny wra ow spyrys agas aborrya.

Levitikus 26:11 Iomraidhean Croise

2 Samuel 7:7

Yn pub tyller may kerdhis yn mysk oll mebyon Ysrael, a gewsis vy ger orth onan a loethow Ysrael, a erghis dhedha may hwrellens maga ow fobel Ysrael, ow leverel, ‘Prag na dhrehevsowgh ragov chi a geder?’

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Myghternedh 8:13

Devri my re dhrehevis dhis chi ughel, tyller rag ty dhe driga ynno bys vykken.’

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 76:2

Yn Salem yma y skovva, ha'y drigva yn Sion.

Salmow 78:59

Pan glewas Duw hemma, serrys veu, hag ev a dhispresyas Ysrael yn feur.

Eksodus 25:8

Ha gas i dhe wul dhymm sentri may trikkiv yn aga mysk.

Eksodus 29:45

Ha my a drig yn mysk mebyon Ysrael, ha my a vydh aga Duw.

Eksodus 29:46

Hag i a wodhvydh my dhe vos an Arloedh aga Duw, a's dros yn-mes a bow Ejyp may trikken yn aga mysk; my yw an Arloedh aga Duw.

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Levitikus 20:23

Ha ny wrewgh hwi kerdhes war-lergh ordenansow an genedhel a dowlav yn-mes dheragowgh, rag i re wrug oll an taklow ma, ha my a's kasas.

Levitikus 26:15

mar skonyowgh ow ordenansow, ha mar kwra agas enev kasa ow breusow, ma na wryllowgh ow gorhemmynnow oll, mes terri ow hevambos,

Levitikus 26:43

An tir ynwedh a vydh gesys gansa, ha lowenhe yn y sabotys hag ev hwath difeythtir hebdha; hag i a wra amendys rag aga hammweyth, rag i dhe dhespisya ow breusow ha'ga spyrys dhe aborrya ow ordenansow.

Levitikus 26:44

Mes yn despit dhe henna oll, pan vons yn tir aga eskerens, ny wrav aga skonya, na'ga aborrya, dh'aga diswul yn tien ha terri ow hevambos gansa; rag an Arloedh aga Duw ov vy.

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

Dewteronomi 32:19

Mes an Arloedh a welas ha'ga skonya, serrys gans y vebyon ha'y vyrghes.

Yoshua 22:19

Mes mars yw avlan tir agas perghennogeth, treusewgh dhe dir perghennogeth an Arloedh le may powes tabernakel an Arloedh, ha kemmerewgh rann ragowgh agas honan yn agan mysk. Saw na rebellyewgh erbynn an Arloedh na er agan pynn ni, ow trehevel ragowgh alter nag yw alter an Arloedh agan Duw.

Yoshua 22:31

Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.

Diskwedhyans 7:15

Rakhenna, ymons i a-dherag tron Duw, hag i a'n gordh dydh ha nos yn y dempel; ev neb yw esedhys war an tron a worr y dylda warnedha.