Levitikus 26:1 - An Bibel Kernewek 20234 (Kernewek Kemmyn)

¹ Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Levitikus 26:1 Iomraidhean Croise

2 Myghternedh 17:10

I a settyas yn-bann ragdha aga honan peulveyn hag Asherim war bub bre ughel hag yn-dann bub gwydhenn las;

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 17:8

ha kerdhes yn ordenansow an kenedhlow a wrussa an Arloedh aga fesya yn-mes a-rag an Ysraelysi, ha kerdhes y'n taklow gwrys gans myghternedh Ysrael.

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Salmow 97:7

Perthes meth oll an re a serv imajys gravys, hag a vost yn idolys; gordhyewgh ev, an duwow oll.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 20:23

Ny wrewgh hwi duwow a arghans dhe vos genev; na ny wrewgh dh'agas honan duwow a owr.

Eksodus 23:24

Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Eksodus 34:17

Ny wredh ragos duwow deudh.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Levitikus 19:4

Na dreylyewgh dhe idolys, na gul imajys teudh. An Arloedh agas Duw ov vy.

Levitikus 25:55

Rag gwesyon dhymmo vy yw mebyon Ysrael. Ow gwesyon yns i, a dhres vy yn-mes a bow Ejyp. An Arloedh agas Duw ov vy.

Levitikus 7:33

Yn mysk mebyon Aron, neb a offrynn goes an offrynnow kres ha'n blonek a gemmer an vordhos dhyghow avel y rann.

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Oberow 17:29

A-ban on ni askorr Duw, ny goedh dhyn tybi bos an Duwsys kepar hag owr po arghans po men, imaj gwrys dre sleyghneth ha dysmygyans denel.

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 5:6

My yw an Arloedh dha Dhuw neb a'th tros yn-mes a bow Ejyp, yn-mes a'n chi a gethneth.

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Breusysi 18:30

Ena an Danysi a dhrehevis an imaj ragdha aga honan. Yonathan mab Gershom, mab Moyses, ha'y vebyon o oferysi rag loeth an Danysi bys y'n prys kethneth an tir.