Levitikus 24:9 - An Bibel Kernewek 20234 (Kernewek Kemmyn)

⁹ Hag ev a vydh dhe Aron ha'y vebyon, hag i a'n deber yn tyller sans, rag an moyha sans yw dhodho a offrynnow dre dan dhe'n Arloedh, kevambos bys vykken.

Levitikus 24:9 Iomraidhean Croise

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Levitikus 10:12

Ha Moyses a leveris dhe Aron hag Eleazar hag Ithamar, y vebyon a veu gesys: Kemmerewgh an offrynn greun yw gesys a'n offrynnow dhe'n Arloedh dre dan ha'y dhybri heb goell ryb an alter, rag an moyha sans yw.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Levitikus 21:22

mes ev a yll dybri bara y Dhuw, an taklow moyha sans, ha'n taklow sans.

Levitikus 24:10

Lemmyn mab Ysraelyades, hag ev mab gour ejyptek, eth yn-mes yn mysk mebyon Ysrael ha mab an Ysraelyades a omladhas gans gour a Ysrael y'n kamp.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 6:11

Ena ev a dhiwisk y dhillas ha gwiska dillas arall ha doen an lusu yn-mes a'n kamp bys yn tyller glan.

Levitikus 6:16

Hag Aron ha'y vebyon a dheber an remenant avel bara heb goell yn tyller sans. Yn klos tylda an kuntelles y hwrons y dhybri.

Levitikus 6:9

Gwra erghi dhe Aron ha'y vebyon ow leverel: Hemm yw lagha an offrynn leskys. An offrynn leskys a vydh war an oeles, war an alter, dres an nos bys y'n myttin, ha tan an alter a bes ow leski ynni.

Levitikus 8:3

ha kuntell oll an kuntelles war-barth orth daras tylda an kuntelles.

Levitikus 8:31

Hag yn-medh Moyses dhe Aron ha'y vebyon, ‘Bryjyewgh an kig orth daras tylda an kuntelles ha'y dhybri ena gans an bara usi yn kanstell an offrynn urdhyans, dell erghis vy, ow leverel, “Aron ha'y vebyon a'n deber.”

Malaki 1:12

Mes hwi a'n disaker ow leverel, ‘Moes an Arloedh yw defolys, ha'y frut, hy boes, yw dispresys.’

Matthew 12:4

fatell entras yn chi Duw ha dybri torthow an ragworrans nag o lafyl dhodho na dhe'n re esa ganso aga dybri, marnas dhe'n oferysi yn unnsel?

Mark 2:26

fatell eth yn chi Duw yn dydhyow Abiathar an arghoferyas ha dybri torthow an ragworrans nag yw lafyl aga dybri saw gans an oferysi, hag a wrug aga ri ynwedh dhe'n dus esa ganso?’

Luk 6:4

fatell eth yn chi Duw ha kemmeres torthow an ragworrans ha'ga dybri, ha'ga ri dhe'n re esa ganso, nag yw lafyl dhe dhenvyth aga dybri marnas unnsel dhe'n oferysi?’

1 Samuel 21:6

Ytho an oferyas a ros dhodho bara sans; rag nyns esa bara vyth marnas bara an wolok, yw kemmerys dhe-ves dhiworth an Arloedh, dhe worra yn y le bara toemm y'n jydh mayth yw kemmerys dhe-ves.