Levitikus 24:2 - An Bibel Kernewek 20234 (Kernewek Kemmyn)

² Argh dhe vebyon Ysrael may trollons dhis olew pur a oliv gweskys rag an golow, dhe wul dhe'n lugern leski heb hedhi.

Levitikus 24:2 Iomraidhean Croise

2 Kroniklys 13:11

I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

Salmow 119:105

Lugarn dhe'm treys yw dha er, ha golow dhe'm hyns.

Salmow 119:130

Diskwedhyans dha eryow a re golow; ev a re skians dhe'n re sempel.

Eksodus 39:37

an kantoler a owr pur ha'y lugern ha'n lugern settys yn rew ha'y dhaffar oll, ha'n oyl rag an golow;

Eksodus 40:24

Hag ev a worras an kantoler yn tylda an kuntelles, a-dal an voes, dhe barth dhyghow an tabernakel,

Lavarow Koth 6:23

Rag an gorhemmynn yw lugarn ha'n dyskans yw golow, ha'n reprevow a dhyskybleth yw an fordh a vewnans,

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Levitikus 24:1

Ha'n Arloedh a gewsis orth Moyses, ow leverel:

Levitikus 24:3

A-ves dhe vayl an dustuni, yn tylda an kuntelles, y hwra Aron y ordena prest, dhiworth gorthugher bys y'n myttin dherag an Arloedh. Y fydh ordenans bys vykken der agas henedhow.

Matthew 4:16

an bobel esedhys yn tewolgow re welas golow bras, ha war an re esedhys yn tir ha skeus ankow yma golow drehevys yn-bann.’

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Luk 12:35

‘Bedhes agas diwglun grogysys, ha'gas lugern gans golow;

Yowann 1:4

Ynno yth esa bewnans, ha'n bewnans o golow mab-den;

Yowann 1:9

Yth esa an gwir wolow hag a wolow pub den, ow tos y'n bys.

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.