Levitikus 23:40 - An Bibel Kernewek 20234 (Kernewek Kemmyn)

⁴⁰ Y'n kynsa dydh hwi a gemmer frut a wydh splann, delyow palmwydh, skorrennow a wydh delyek ha helyk a'n gover; ha hwi a lowenha seyth dydh dherag an Arloedh agas Duw.

Levitikus 23:40 Iomraidhean Croise

Salmow 137:2

Agan sowtris a gregsyn war an helyk usi ynni.

Salmow 92:12

An den gwiryon a las avel an balmwydhenn, hag ev a dyv avel kederwydhenn yn Lebanon.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 44:4

Hag i a dyv kepar dell vens yn mysk gwels, avel helyk ryb stredhow dowr.

Ysay 66:10

Lowenhewgh gans Yerusalem ha bedhewgh heudh rygdhi, oll hwi neb a's kar; lowenhewgh yn feur gensi, oll hwi neb a gyn warnedhi;

Levitikus 23:39

Y'n pymthegves dydh a'n seythves mis, pan wrussowgh hwi kuntell frut an tir, hwi a syns goel an Arloedh seyth dydh; y'n kynsa dydh y fydh sabot solem, hag y'n ethves dydh y fydh sabot solem.

Levitikus 23:41

Ha hwi a'n syns avel goel dhe'n Arloedh seyth dydh y'n vlydhen. Ordenans bys vykken yw der agas henedhow; hwi a'n syns y'n seythves mis.

Matthew 21:8

Ha routh pur veur a lesas aga mantelli war an fordh, ha re erell a droghas skorrennow dhiworth an gwydh ha'ga lesa war an fordh.

Yowann 12:13

a gemmeras skorrennow palm ha mos yn-mes dh'y vetya, hag i a grias, ‘Hosanna! Benniges yw neb a dheu yn hanow an Arloedh! Myghtern Ysrael!’

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;