Levitikus 23:3 - An Bibel Kernewek 20234 (Kernewek Kemmyn)

³ Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Levitikus 23:3 Iomraidhean Croise

Eksodus 16:23

ev a leveris dhedha, ‘Hemm yw an pyth a worhemmynnis an Arloedh: “An vorow a vydh dydh a bowes, sabot sans dhe'n Arloedh; pebewgh an pyth a bebowgh ha bryjyewgh an pyth a vryjyowgh, ha pup-tra yw gesys gorrewgh a-denewen dhe vos gwithys bys y'n myttin.” ’

Eksodus 16:29

Mirewgh, an Arloedh re ros dhywgh sabot, ytho y'n hweghves dydh ev a re dhywgh bara rag dew dhydh; gortes pubonan ahanowgh yn y le, na as denvyth dhe vones yn-mes a'n tyller y'n seythves dydh.’

Eksodus 16:30

Ytho an bobel a bowesas y'n seythves dydh.

Eksodus 23:12

Hwegh dydh ty a wra dha ober, mes y'n seythves dydh ty a wra powes; may fo powes dhe'th ojyon ha dhe'th asen, ha may fo diskwithys mab dha gethes, ha'n alyon.

Eksodus 34:21

Hwegh dydh ty a wra oberi, mes y'n seythves dydh ty a wra powes; yn termyn aras ha trevas ty a wra powes.

Ysay 56:2

Gwynnvys an gour a wra hemma, ha mab an den a gyv dalghenn ynno, neb a with an sabot heb y dhisakra, ha neb a with y leuv dhiworth gul oll drog.

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Luk 13:14

Mes rewler an synaga, serrys rag Yesu dhe yaghhe yn dydh sabot, a worthybis, ha leverel dhe'n routh, ‘Yma hwegh dydh may tal oberi; dewgh ytho ynna ha bos yaghhes, a-der y'n sabot.’

Luk 23:56

hag i a dhehwelis ha pareusi spisys hag unyentys. Hag i a bowesas y'n sabot herwydh an gorhemmynn.

Oberow 15:21

Rag Moyses a-dhia henedhow koth a'n jeves an re neb a'n pregoth yn pub sita, ha lennys yw y'n synagys pub sabot.’

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,