Levitikus 23:19 - An Bibel Kernewek 20234 (Kernewek Kemmyn)

¹⁹ Ena hwi a sakrifi unn bogh rag offrynn pegh ha dew oen unn bloedh rag sakrifis offrynnow kres.

Levitikus 23:19 Iomraidhean Croise

Levitikus 16:15

Ena ev a ladh bogh an offrynn pegh yw rag an bobel, ha dri y woes a-ji dhe'n vayl, ha gul an keth tra gans an goes na dell wrug gans goes an lodhen, ha'y skoellya war an dregeredhva, ha dherag an dregeredhva.

Levitikus 23:18

Ha gans an bara hwi a offrynn seyth oen heb namm unn bloedh, hag unn tarow yowynk, ha dew hordh. I a vydh offrynn leskys dhe'n Arloedh gans aga offrynn greun ha'ga offrynnow diwes, offrynn gwrys dre dan, sawer plegadow dhe'n Arloedh.

Levitikus 23:20

Ha'n oferyas a wra aga gwevya gans bara an kynsa frut rag offrynn gwevys dherag an Arloedh, gans an dhew oen. Sans vydhons dhe'n Arloedh rag an oferyas.

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Niverow 28:30

gans unn bogh, rag gul prenedh ragowgh.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.