Levitikus 23:17 - An Bibel Kernewek 20234 (Kernewek Kemmyn)

¹⁷ Hwi a dhre yn-mes a'gas trigvaow diw dorth-vara rag offrynn gwevys, gwrys a dhiw dhegves rann a efa. I a vydh gwrys a vleus fin, pebys gans goell, avel kynsa frut dhe'n Arloedh.

Levitikus 23:17 Iomraidhean Croise

Nehemia 10:37

ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

Eksodus 22:29

Ny wredh strechya offrynna dhiworth leunder dha drevas na a sugen dha winwaskow. Kynsa-genys dha vebyon ty a re dhymm.

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Eksodus 23:19

An kynsa a gynsa frut dha dhor ty a wra dri a-ji dhe ji an Arloedh. Ny wredh bryjyon mynn yn leth y vamm.

Eksodus 34:22

Ha ty a wra gwitha goel an seythunyow, kynsa frut an gwaneth ha goel an kuntell dhe benn an vlydhen.

Eksodus 34:26

Kynsa frut dha dhor ty a wra dri dhe ji an Arloedh dha Dhuw. Ny wrewgh hwi bryjyon mynn yn leth y vamm.

Levitikus 2:12

Hwi a dhre offrynn a gynsa frut dhe'n Arloedh, mes ny vydhons i leskys war an alter avel sawer plegadow.

Levitikus 23:10

Kows orth mebyon Ysrael ha leverel dhedha: Pan dhyffowgh y'n tir a rov dhywgh ha mysi y drevas, hwi a dhre manal kynsa frut agas trevas dhe'n oferyas,

Levitikus 23:18

Ha gans an bara hwi a offrynn seyth oen heb namm unn bloedh, hag unn tarow yowynk, ha dew hordh. I a vydh offrynn leskys dhe'n Arloedh gans aga offrynn greun ha'ga offrynnow diwes, offrynn gwrys dre dan, sawer plegadow dhe'n Arloedh.

Levitikus 7:13

Gans sakrifis y offrynnow kres rag grasyans ev a offrynn tesennow rond a vara gwrys gans goell.

Niverow 15:17

An Arloedh a leveris dhe Moyses:

Niverow 18:12

Oll an gwella a'n oyl, hag oll an gwella a'n gwin hag a'n greun, kynsa frut a'n pyth a rons dhe'n Arloedh, my a re dhis.

Niverow 18:13

Kynsa frut adhves a oll eus yn aga thir, hag a dhrons dhe'n Arloedh, a vydh dhis; pub huni yw glan y'th chi a yll dybri anodho.

Niverow 28:26

Yn dydh an kynsa frut, pan offrynnowgh offrynn greun a reun nowydh dhe'n Arloedh dh'agas dy'goel a seythunyow, hwi a'gas bydh kuntelles sans; ny wrewgh ober arvethys,

Matthew 13:33

Parabolenn arall y leveris dhedha: ‘Gwlaskor nev yw haval dhe woell, a gemmeras benyn ha'y gemmyska yn tri musur a vleus bys pan wrug dhe oll an toes sevel.’

Romanyon 8:23

mes moy es henna, ni agan honan ynwedh, a'gan beus kynsa frut an Spyrys, ni agan honan a gyn ynnon agan honan dell wortyn gans mall adoptyans avel mebyon, daspren agan korf.

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.