Levitikus 22:8 - An Bibel Kernewek 20234 (Kernewek Kemmyn)

⁸ Ny wra dybri an pyth a verow y honan, po yw skwardys gans bestes gwyls. Ny dheber hemma, owth omdhefola dredho. An Arloedh ov vy.

Levitikus 22:8 Iomraidhean Croise

Eksodus 22:30

Ty a wra yndellma ynwedh gans dha oghen ha gans dha dheves: seyth dydh y fydh gans y vamm; y'n ethves dydh ty a wra y ri dhymm.

Eksodus 22:31

Hwi a vydh gwer sakrys dhymm; yndellma ny wrewgh dybri kig vyth yw skwardys gans bestes an gwel; hwi a'n tewl dhe'n keun.

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Ezekiel 44:31

Ny dheber an oferysi travyth a verwis a'y honan, na preydh skwardys gans edhen na best.

Levitikus 17:15

Ha pub den a dheppro karyn po neppyth re beu skwardys gans bestes gwyls, genesik po alyon kyn fo, ev a wolgh y dhillas hag omvadhya yn dowr, hag ev a vydh avlan bys y'n gorthugher, hag ena glan vydh ev.

Levitikus 7:24

Blonek best a verow y honan po yw skwardys gans bestes gwyls a yll bos usys yn neb fordh arall mes ny wrewgh hwi y dhybri.

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.