Levitikus 22:23 - An Bibel Kernewek 20234 (Kernewek Kemmyn)

²³ Ty a yll offrynna ojyon po oen gans esel re hir po re vyghan rag offrynn bolonjedhek, mes ny vydh kemmeradow rag ambos.

Levitikus 22:23 Iomraidhean Croise

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Levitikus 21:18

Rag py gour pynag neb a'n jeffo namm, ny wra dos nes: gour dall po evredhek, po gans troen folsys, po gans esel drogformys,

Levitikus 22:22

Ny wrewgh offrynna dhe'n Arloedh travyth a vo dall po gans askorn terrys po mans po gans gwennogenn po gans bryghi podredhek po gans troskennow, na gul offrynn anedha dre dan war an alter.

Levitikus 22:24

Ny wrewgh hwi offrynna travyth may fo y dhiwgell brewys, na skwattys, na tennys yn-mes, na treghys; ny wrewgh hwi hemma yn agas tir hwi.

Malaki 1:8

Pan dhrowgh bestes dall dhe sakrifia, a nyns yw henna drog? Pan offrynnowgh evredh ha klav, a nyns yw henna drog? Roy ev dhe'th wovernour! A vydh ev pes da ahanas? A wra dha resseva? yn-medh Arloedh an luyow.

Dewteronomi 15:21

Mars eus ynno namm, mars yw evredhek po dall, po neb drog namm arall, ny wredh y sakrifia dhe'n Arloedh dha Dhuw.

Dewteronomi 17:1

Ny sakrifiydh dhe'n Arloedh dha Dhuw ojyon po oen a'n jeves namm po neppyth drog, drefenn ev dhe vos pyth kasadow dhe'n Arloedh dha Dhuw.