Levitikus 22:20 - An Bibel Kernewek 20234 (Kernewek Kemmyn)

²⁰ Pypynag a'n jeffo namm, ny wrewgh hwi y offrynna, rag ny vydh kemmeradow ragowgh.

Levitikus 22:20 Iomraidhean Croise

Ezekiel 45:18

Yndellma y lever an Arloedh Duw: Y'n kynsa mis, yn kynsa dydh an mis, ty a gemmer tarow yowynk heb namm, ha ty a burha an sentri.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 22:24

Ny wrewgh hwi offrynna travyth may fo y dhiwgell brewys, na skwattys, na tennys yn-mes, na treghys; ny wrewgh hwi hemma yn agas tir hwi.

Levitikus 22:25

Dhiworth dorn alyon ny wrewgh hwi offrynna boes dha Dhuw a'n keth bestes ma, rag bos fowtow ha nammow ynna. Ny vydhons kemmeradow ragowgh.

Levitikus 3:1

Ha mars yw y offrynn sakrifis a'n offrynn kres, mara'n dre a'n chatel, mars yw gorow po benow, ev a dhre best heb namm dherag an Arloedh.

Levitikus 3:6

Ha'y offrynn rag sakrifis offrynn kres dhe'n Arloedh, mars yw yn-mes a'n flokk, gorow po benow, ev a dhre best heb namm.

Malaki 1:8

Pan dhrowgh bestes dall dhe sakrifia, a nyns yw henna drog? Pan offrynnowgh evredh ha klav, a nyns yw henna drog? Roy ev dhe'th wovernour! A vydh ev pes da ahanas? A wra dha resseva? yn-medh Arloedh an luyow.

Niverow 19:2

Hemm yw ordenans an lagha re worhemmynnis an Arloedh: Kows dhe vebyon Ysrael may trollons dhywgh lejek rudh heb difyk na namm, ha warnedhi na dheuth bythkweth yew.

Niverow 29:8

Hwi a wra offrynna offrynn leskys dhe'n Arloedh, sawer plegadow: unn tarow yowynk, unn hordh, seyth oen unn bloedh; i a vydh dhywgh heb namm;

Dewteronomi 15:21

Mars eus ynno namm, mars yw evredhek po dall, po neb drog namm arall, ny wredh y sakrifia dhe'n Arloedh dha Dhuw.

Dewteronomi 17:1

Ny sakrifiydh dhe'n Arloedh dha Dhuw ojyon po oen a'n jeves namm po neppyth drog, drefenn ev dhe vos pyth kasadow dhe'n Arloedh dha Dhuw.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

1 Peder 1:19

mes gans goes drudh Krist kepar hag oen heb defowt ha heb namm.