Levitikus 22:18 - An Bibel Kernewek 20234 (Kernewek Kemmyn)

¹⁸ Kows orth Aron ha'y vebyon hag orth oll mebyon Ysrael, ha leverel dhedha, Piwpynag a ji Ysrael po a'n alyons yn Ysrael a vynno offrynna aga offrynn rag oll aga ambosow ha rag oll aga offrynnow bolonjedhek, a vynnons dhe offrynna dhe'n Arloedh avel offrynn leskys,

Levitikus 22:18 Iomraidhean Croise

2 Kroniklys 31:14

Kore mab Ymna an Levyas, gwithyas yet an howldrevel, a'n jevo charj a'n rohow bolonjedhek res dhe Dhuw, rag kevrenna an kevro gwrys dhe'n Arloedh ha'n offrynnow an moyha sans.

Salmow 116:14

My a dal ow ambosow dhe'n Arloedh lemmyn a-dherag oll y bobel.

Salmow 116:18

My a dal ow ambosow dhe'n Arloedh lemmyn a-dherag oll y bobel,

Salmow 22:25

Ahanas jy yw ow gormola y'n kuntelles meur; my a dal ow ambosow a-wel dhe'n re a berth own ahanas

Salmow 56:12

Yma dha ambosow warnav, A Dhuw; my a's tal dhis gans offrynnow grasyans.

Salmow 61:5

Rag ty, A Dhuw, re glewas ow ambosow; ty re ros dhymm ertach an re a berth own a'th hanow.

Salmow 61:8

Yndella y kanav gormola dhe'th hanow bynitha, ow tyli ow ambosow pub dydh oll.

Salmow 65:1

Y tegoedh dha wormel, A Dhuw, yn Sion, ha dhiso jy y fydh an ambos kollenwys.

Salmow 66:13

My a dheu y'th chi gans offrynnow leskys; ha my a dal dhis ow ambosow,

Eksodus 12:5

Agas oen a vydh heb namm, gorow, unn bloedh; hwi a'n kemmer dhiworth an deves po dhiworth an gever;

Ekklesiastes 5:4

Pan wredh ambos dhe Dhuw, na strech owth attyli dhodho, rag ny'n jeves Duw plesour yn fellyon. An pyth a ambosydh, tal e!

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 1:2

Kows orth mebyon Ysrael ha leverel dhedha: Mars eus nebonan ahanowgh a dhrollo offrynn dhe'n Arloedh, drewgh agas offrynn a vestes mes a'n chatel ha mes a'n flokk.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:13

Ha piwpynag a vebyon Ysrael po a'n alyons trigys yn agas mysk a helgh ha kachya best po edhen vyth a yll bos dybrys, ev a skoell an goes anodho ha'y gorheri gans doust.

Levitikus 22:17

An Arloedh a gewsis orth Moyses, ow leverel:

Levitikus 23:38

war-barth gans sabotys an Arloedh, ha war-barth gans agas rohow, ha war-barth gans oll agas ambosow, ha war-barth gans oll agas offrynnow bolonjedhek dhe'n Arloedh.

Levitikus 7:16

Mes mars yw sakrifis y offrynn der ambos po offrynn bolonjedhek, y fydh dybrys an keth jydh mayth offrynn y sakrifis, ha'n jydh a'y wosa y fydh dybrys an remenant anodho.

Amos 4:5

offrynnewgh sakrifis a rasyans gans bara goell ha gelwewgh tus dhe offrynnow bolonjedhek, deklaryewgh i; rag hemm yw agas bodh, A vebyon Ysrael, yn-medh an Arloedh Duw.

Yona 1:16

Ha'n gwer a's teva own bras a'n Arloedh, hag i a offrynnas sakrifis dhe'n Arloedh, ha gul ambosow.

Yona 2:9

Mes my, gans lev a rasyans, a wra sakrifis dhis; an pyth a ambosis my a gollenow. Selwyans yma dhe'n Arloedh.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Niverow 15:3

hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Dewteronomi 12:17

Ny yllydh dybri a-berth y'th yetys dega a'th ys na'th win, na'th oyl, na'n kynsa-genys a'th chatel ha'th flokk, na pynagoll a'th ambosow a ambossi na'th offrynnow bolonjedhek nag offrynn drehevys a'th leuv.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Dewteronomi 16:10

Ena ty a wra goel an seythunyow dhe'n Arloedh dha Dhuw der offrynn bolonjedhek a'th leuv, kepar dell wrug an Arloedh dha Dhuw dha venniga.