Levitikus 21:6 - An Bibel Kernewek 20234 (Kernewek Kemmyn)

⁶ I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Levitikus 21:6 Iomraidhean Croise

Ezra 8:28

Yn-medhav dhedha, ‘Hwi yw sans dhe'n Arloedh ha'n lestri yw sans ynwedh. An arghans ha'n owr yw offrynn bolonjedhek dhe'n Arloedh, Duw agas tasow;

Eksodus 19:22

Hag ynwedh gas dhe'n oferysi a dheu nes dhe'n Arloedh omsakra ma na dartho an Arloedh warnedha.’

Eksodus 28:36

Ha ty a wra medalenn a owr pur, ha gravya warnedhi, avel gravyans sel, ‘Sans dhe'n Arloedh.’

Eksodus 29:44

My a saker tylda an kuntelles ha'n alter; Aron ynwedh ha'y vebyon my a wra sakra, dhe'm servya avel oferysi.

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 19:12

Ha ny wrewgh hwi ti yn fals re'm hanow vy, na defola hanow dha Dhuw. An Arloedh ov vy.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 21:17

Kows orth Aron, ow leverel: Denvyth a'th has, der oll aga henedhow, neb a'n jeves namm, ny yll dos nes dhe offrynna bara y Dhuw.

Levitikus 21:21

Denvyth a has Aron an oferyas a'n jeves namm ny dheu nes dhe offrynna offrynnow an Arloedh gwrys dre dan. Yma namm dhodho; ytho ny dheu nes dhe offrynna bara y Dhuw;

Levitikus 21:23

Mes nyns a a-ji dhe'n vayl, na dos nes dhe'n alter, rag yma namm dhodho, ma na dhefollo ow sentris; rag an Arloedh ov vy, neb a wra aga sanshe.

Levitikus 21:8

Ytho, ty a'n sansha, rag ev a offrynn bara dha Dhuw. Sans vydh dhiso, rag sans ov vy, an Arloedh neb a'gas sansha.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 28:2

Gorhemmynn dhe vebyon Ysrael, ha leverel dhedha: Ow offrynn, ow boes rag ow offrynnow leskys, ow sawer plegadow, gwaytyewgh profya dhymm yn y seson ewn.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.