Levitikus 20:3 - An Bibel Kernewek 20234 (Kernewek Kemmyn)

³ Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 20:3 Iomraidhean Croise

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Levitikus 15:31

Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 19:12

Ha ny wrewgh hwi ti yn fals re'm hanow vy, na defola hanow dha Dhuw. An Arloedh ov vy.

Levitikus 20:4

Ha mar mynn pobel an tir kudha aga lagasow rag an gour na yn neb fordh, hag ev ow ri y has dhe Molek, ha ny'n ladhons,

Levitikus 21:6

I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Levitikus 7:20

Mes ev neb a dheber neppyth a gig sakrifis an offrynnow kres a bew an Arloedh, hag ev avlan, an den ma a vydh treghys dhe-ves dhiworth y bobel.

Levitikus 7:21

Ha mar tocchyo nebonan tra avlan pynag, kepar ha den a vo avlan po best avlan po neppyth kasadow a vo avlan, ha dybri kig sakrifis an offrynnow kres a bew an Arloedh, an den na a vydh treghys dhe-ves dhiworth y bobel.

Niverow 19:13

Piwpynag a docchyo den marow, korf den pynag re verwis, ha ny omlanha, a dhefol tabernakel an Arloedh, ha'n den na a vydh treghys a-dhiworth Ysrael; drefenn na veu skoellys warnodho an dowr a lanheans, ev a vydh avlan; yma y avlander hwath warnodho.

Niverow 19:20

Mes an den yw avlan ha ny omlanha, an enev na a vydh treghys a-dhiworth an gemmynieth, drefenn ev dhe dhefola sentri an Arloedh; drefenn na veu skoellys warnodho an dowr a lanheans, ev yw avlan.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

1 Peder 3:12

rag bos dewlagas an Arloedh war an re wiryon, hag igor yw y dhiwskovarn dh'aga fysadow, mes fas an Arloedh yw settys erbynn an re a wra drog.’