Levitikus 20:26 - An Bibel Kernewek 20234 (Kernewek Kemmyn)

²⁶ Ha bedhewgh sans dhymmo vy; rag my, an Arloedh, yw sans, ha my re'gas dibarthas dhiworth an kenedhlow, dhe vos dhymmo vy.

Levitikus 20:26 Iomraidhean Croise

Nehemia 10:29

a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an Arloedh agan Arloedh ha'y vreusow ha'y ordenansow.

Salmow 99:5

Ughelhewgh an Arloedh agan Duw, hag omblegyewgh a-dherag y skavell-droes, rag sans yw ev.

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

Ysay 30:11

kewgh mes a'n hyns, treylyewgh dhiworth an fordh, astelewgh dri Sans Ysrael a-ragon.’

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 19:2

Kows orth kuntelles kowal mebyon Ysrael, ha leverel dhedha, Bedhewgh sans, rag sans ov vy, an Arloedh agas Duw.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Levitikus 20:7

Ytho omsanshewgh, ha bedhewgh sans, rag an Arloedh agas Duw ov vy

Levitikus 20:8

Ha hwi a syns ow ordenansow ha'ga gul. An Arloedh ov vy, neb a'gas sansha.

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Yoshua 24:19

Yoshua a leveris dhe'n bobel, ‘Ny yllowgh servya an Arloedh. Duw sans yw ev, Duw a avi yw, ny wra ev gava agas treuspassow na'gas peghosow.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’