Levitikus 20:24 - An Bibel Kernewek 20234 (Kernewek Kemmyn)

²⁴ Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Levitikus 20:24 Iomraidhean Croise

1 Myghternedh 8:53

Rag ty re's diberthys yn-mes a boblow oll an bys, rag bos dha ertach, kepar dell ambossys dre Moyses dha was, pan dhresys agan tasow yn-mes a Ejyp, A Arloedh Duw.’

Eksodus 13:5

Ha pan y'th trollo an Arloedh dhe bow an Kananysi, an Hittysi, an Amorysi, an Hivysi, ha'n Yebusysi, hag a ambosas dhe'th tasow dhe ri dhis, tir a dhinwa leth ha mel, ty a wra gwitha an deves ma y'n mis ma.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 33:1

An Arloedh a leveris dhe Moyses, ‘Dibarth, ke alemma, ty ha'n bobel a wrussys dri yn-mes a bow Ejyp, dhe'n tir a ambosis dhe Abraham, Ysak ha Yakob, ow leverel, “Dhe'th tiyskynnysi my a'n re.”

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

Eksodus 33:3

Ke dhe dir a dhinwa leth ha mel; mes ny wrav mos y'n kres ahanas, ma na'th kowllytthiv, rag pobel kales hy hilbenn yth os.’

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Levitikus 14:34

Pan dhyffowgh a-ji dhe bow Kanan, a rov dhywgh rag perghennogeth, ha pan worriv pla lovryjyon yn neb chi yn tir dha berghennogeth,

Levitikus 20:26

Ha bedhewgh sans dhymmo vy; rag my, an Arloedh, yw sans, ha my re'gas dibarthas dhiworth an kenedhlow, dhe vos dhymmo vy.

Niverow 23:9

Rag a-dhiworth penn an karregi my a's gwel, a-dhiworth an breow my a's aspi; otta pobel ow triga aga honan, ha heb omrekna yn mysk an kenedhlow!

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.