Levitikus 20:2 - An Bibel Kernewek 20234 (Kernewek Kemmyn)

² Ty a lever ynwedh dhe vebyon Ysrael, Piwpynag a vebyon Ysrael po a'n alyons usi trigys yn Ysrael a rollo re a'y fleghes dhe Molek, a vydh gorrys yn sur dhe'n mernans. Pobel an tir a wra y labydha gans meyn.

Levitikus 20:2 Iomraidhean Croise

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Ezekiel 20:26

My a's defolas der aga rohow aga honan, owth offrynna oll aga re kynsa-genys, rag may kwrellen vy aga euthega, may hwodhvens my dhe vos an Arloedh.

Ezekiel 20:31

Pan offrynnowgh agas rohow, ha gul dh'agas mebyon mos dre dan, hwi a dhefol agas honan gans oll agas idolys bys y'n jydh hedhyw. A vynnav hwi dhe hwilas kusul ahanowgh, chi Ysrael? Dell vewav, yn-medh an Arloedh Duw, ny vynnav hwi dhe hwilas kusul ahanowgh.

Ezekiel 23:37

Rag i re wrug avoutri, hag yma goes war aga diwla. I re wrug avoutri gans aga idolys; ynwedh i re sakrifisons dhedha aga mebyon a dhineythsons dhymm, rag boes.

Ezekiel 23:39

Wosa ladha aga mebyon rag aga idolys, i a dho an keth jydh na a-berth y'm sentri dh'y dhisakra. Yndella y hwre yn kres ow chi.

Levitikus 17:13

Ha piwpynag a vebyon Ysrael po a'n alyons trigys yn agas mysk a helgh ha kachya best po edhen vyth a yll bos dybrys, ev a skoell an goes anodho ha'y gorheri gans doust.

Levitikus 17:15

Ha pub den a dheppro karyn po neppyth re beu skwardys gans bestes gwyls, genesik po alyon kyn fo, ev a wolgh y dhillas hag omvadhya yn dowr, hag ev a vydh avlan bys y'n gorthugher, hag ena glan vydh ev.

Levitikus 17:8

Ha ty a lever dhedha: Piwpynag a ji Ysrael po a'n alyons trigys yn aga mysk a offrynno offrynn leskys po sakrifis

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Levitikus 20:1

An Arloedh a gewsis orth Moyses, ow leverel:

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Levitikus 24:14

Doro neb re vollethis yn-mes a'n kamp, ha gwres peub a'n klewas gorra aga diwleuv war y benn, ha gwres oll an kuntelles y labydha.

Levitikus 24:16

Ha neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans.

Levitikus 24:23

Ha Moyses a gewsis orth mebyon Ysrael, bos res dhedha dri neb re wrussa mollethi yn-mes a'n kamp ha'y labydha gans meyn. Ha mebyon Ysrael a wrug dell erghis an Arloedh dhe Moyses.

Oberow 7:43

Hwi a gemmeras yn-bann tylda Molok ha sterenn agas duw Refan, an imajys hag a formsowgh rag aga gordhya; ha my a wra agas divroa dhe'n tu arall dhe Babylon.”

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.

Dewteronomi 17:2

Mar kevir yn agas mysk, a-berth yn onan a'th yetys a wra an Arloedh dha Dhuw aga ri dhis, gour po benyn a wra drog a-wel dhe'n Arloedh dha Dhuw ha gul treuspass erbynn y gevambos,

Dewteronomi 18:10

Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 21:21

Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.