Levitikus 2:1 - An Bibel Kernewek 20234 (Kernewek Kemmyn)

¹ Ha pan vynn nebonan offrynna offrynn greun dhe'n Arloedh, y offrynn a vydh bleus fin hag ev a wra dinewi oyl warnodho ha gorra frankynkys warnodho.

Levitikus 2:1 Iomraidhean Croise

Eksodus 29:2

ha bara heb goell, ha torthow heb goell myskys gans oyl, ha tesennow tanow urys gans oyl. Ty a's gwra gans bleus gwaneth fin.

Ysay 43:23

Ny dhuges dhymm dha dheves rag offrynn leskys, na'm enora gans dha sakrifisow. Ny'th veghis gans offrynnow, na'th skwitha gans frankynkys.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ezekiel 46:20

Yn-medh ev dhymm, Hemm yw an tyller may frojyons ynno an offrynn kammweyth ha'n offrynn pegh, ha may pebons an offrynn greun, ma na's drons yn-mes dhe'n klos a-ves, ha sakra an bobel.

Yoel 1:9

Treghys dhe-ves yw offrynn greun hag offrynn diwes a-dhiworth chi an Arloedh; an oferysi a gyn, menystrys an Arloedh.

Yoel 2:14

Piw a woer mar kwra ev dehweles ha kemmeres edrek, ha gasa bennath a-dryv dhodho, offrynn greun hag offrynn diwes dhe'n Arloedh agas Duw?

Levitikus 14:10

Ha'n ethves dydh ev a gemmer dew oen heb namm hag unn oenes heb namm unn bloedh, ha teyr degves rann a efa a vleus fin kemmyskys gans oyl rag offrynn greun, hag unn log a oyl.

Levitikus 24:7

Ha ty a worr frankynkys pur war bub rew, dhe vos rann govadh rag an bara, offrynn dre dan dhe'n Arloedh.

Levitikus 5:11

Mes mar nyns eus yn y leuv pygans lowr rag diw durenn po diw golomm yowynk, ev a dhre y offrynn rag an pegh a wrug, unn degves rann a efa a vleus fin rag offrynn pegh. Ny worr oyl warnodho, ha ny worr frankynkys warnodho, rag offrynn pegh yw.

Levitikus 6:7

Ha'n oferyas a wra dehwelyans ragdho dherag an Arloedh hag y fydh gevys dhodho pypynag a wrug ow kammwul.

Levitikus 9:17

Hag ev a dhros an offrynn greun, ha kemmeres dornas anodho, ha'y leski war an alter, ryb offrynn leskys an myttin.

Levitikus 9:4

Hag ynwedh ojyon ha hordh rag offrynnow kres dhe sakrifia dherag an Arloedh, hag offrynn greun kemmyskys gans oyl, rag hedhyw an Arloedh a omdhiskwedh dhywgh.” ’

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Niverow 18:9

Hemma a vydh dhis a'n taklow an moyha sans, gwithys a'n tan: pub offrynn anedha – pub offrynn greun anedha, ha pub offrynn pegh anedha ha pub offrynn kammweyth anedha, hag a rons dhymm – a vydh an moyha sans dhis ha dhe'th vebyon.

Niverow 28:5

ynwedh an degves rann a efa a vleus fin, rag offrynn greun, kemmyskys gans kwarter hin a oyl gweskys.

Niverow 29:18

ha'ga offrynn greun ha'ga offrynnow diwes rag an terewi, rag an hordhes ha rag an eyn, war-lergh aga niver, herwydh an ordenans;

Niverow 7:13

ha'y offrynn o unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew anedha leun a vleus fin kemmyskys gans oyl rag offrynn greun;

Niverow 7:19

ev a offrynnas rag y offrynn unn plat a arghans ha dhodho poes a gans shekel ha deg warn ugens, unn bolla a arghans a dheg shekel ha tri-ugens, war-lergh shekel an sentri, ha'n dhew leun a vleus fin kemmyskys gans oyl rag offrynn greun;

Niverow 8:8

Ena gas i dhe gemmeres tarow yowynk ha'y offrynn greun a vleus fin kemmyskys gans oyl, ha ty a gemmer tarow yowynk arall rag offrynn pegh.

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

Lyther Yud 1:20

Mes hwi garadowyon, owth omdhrehevel agas honan der agas fydh sansella, ow pysi y'n Spyrys Sans,

Diskwedhyans 8:3

Ha ken el a dheuth ha sevel orth an alter, hag ynkyslester owrek ganso, ha meur a ynkys a veu res dhodho ma'n proffya gans pysadow an syns oll war an alter owrek esa a-dherag an tron.