Levitikus 19:3 - An Bibel Kernewek 20234 (Kernewek Kemmyn)

³ Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Levitikus 19:3 Iomraidhean Croise

Jenesis 48:12

Ha Yosep a's kemmeras dhiworth y dhewlin hag omblegya, gans y fas dhe'n leur.

Nehemia 9:14

ha ty a dhyskas dhedha a-dro dhe'th sabot sans, ha ri dhedha gorhemmynnow, ordenansow ha lagha dre leuv Moyses dha was.

Eksodus 16:29

Mirewgh, an Arloedh re ros dhywgh sabot, ytho y'n hweghves dydh ev a re dhywgh bara rag dew dhydh; gortes pubonan ahanowgh yn y le, na as denvyth dhe vones yn-mes a'n tyller y'n seythves dydh.’

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Eksodus 20:8

Porth kov a dhydh an sabot, dh'y witha sans.

Eksodus 21:15

Piwpynag a wesko y das po y vamm a vydh gorrys dhe'n mernans.

Eksodus 21:17

Piwpynag a vollettho y das po y vamm a vydh gorrys dhe'n mernans.

Lavarow Koth 1:8

Klew, ow mab, dyskans dha das, ha na skon dyskas dha vamm

Lavarow Koth 23:22

Goslow orth dha das a'th tineythis, ha na dhispres dha vamm pan vo hi koth.

Lavarow Koth 30:11

Yma re hag a volleth aga thas ha na vennik aga mamm.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Ezekiel 20:12

Ynwedh my a ros dhedha ow sabotys, dhe vos tokyn yntra my hag i, rag mayth aswonnens my dhe vos an Arloedh, neb a's sansha.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Levitikus 19:30

Hwi a syns ow sabotys, ha diskwedhes revrons dhe'm sentri. An Arloedh ov vy.

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Levitikus 26:2

Hwi a with ow sabotys ha diskwedhes revrons dhe'm sentri. An Arloedh ov vy.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Dewteronomi 27:16

‘Mollothek yw ev neb a dhispres y das ha'y vamm.’ Ena oll an bobel a lever, ‘Amen.’

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?