Levitikus 19:26 - An Bibel Kernewek 20234 (Kernewek Kemmyn)

²⁶ Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 19:26 Iomraidhean Croise

Jenesis 44:5

A nyns yw hemma an hanaf mayth yv ow arloedh anodho, ha gul dewinieth ganso? Ow kul hemma, hwi re wrug tebelwrians.” ’

Jenesis 9:4

Mes kig hag ynno y vewnans, henn yw y woes, ny wrewgh y dhybri.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 21:6

Ev a wre dh'y vab tremena dre dan; ev a wre dewinieth ha pystri, ha dyghtya nygromons ha pystrioryon. Ev a wrug meur a dhrog yn golok an Arloedh, orth y brovokya dhe sorr.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Eksodus 8:7

Mes an hudoryon a wrug an keth tra der aga husow ha dri kwilkynyow war bow Ejyp.

Yeremia 10:2

Yndellma y lever an Arloedh: Na dhyskewgh fordh an kenedhlow, ha na vedhewgh digolonnek orth toknys nev; rag an kenedhlow yw digolonnek orta.

Daniel 2:10

An Kaldeanys a worthybis dhe'n myghtern ow leverel, ‘Nyns eus denvyth y'n bys neb a yll styrya mater an myghtern; yndella ny wrug myghtern, na gwalader na rewler govynn tra a'n par ma dhiworth huder, po dhiworth gorhenyas, po dhiworth Kaldean.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 7:26

Ny wrewgh hwi dybri goes vyth yn oll agas trigvaow, naneyl a edhen nag a vest.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Oberow 15:20

mes may skriffyn dhedha i dhe goheles defolansow idolys, ha dijastita, ha kig tegys, ha goes.

Dewteronomi 12:16

Saw unnsel an goes ny dhebrowgh; hwi a'n dinwa war an tir avel dowr.

Dewteronomi 12:23

Saw bydh sur na dhybrydh an goes, rag an goes yw an enev, ha ny dhybrydh an enev gans an kig.

Dewteronomi 15:23

Saw y woes ny dhybrydh; ty a'n dinwa war an gweres avel dowr.

1 Samuel 14:32

ha'n bobel a stevyas yn-nans ow skrija war an preydh, ha kemmeres deves hag oghen ha leughi, ha'ga ladha war an dor; ha'n bobel a's dybris gans an goes.

1 Samuel 14:33

Ena yth o derivys dhe Sowl, ‘Ottomma an bobel ow pegha erbynn an Arloedh dre dhybri gans an goes.’ Hag ev a leveris, ‘Hwi re dorras fydh; rolyewgh men bras omma dhymm y'n jydh ma.’

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’