Levitikus 19:18 - An Bibel Kernewek 20234 (Kernewek Kemmyn)

¹⁸ Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Levitikus 19:18 Iomraidhean Croise

Jenesis 4:23

Hag yn-medh Lamek dh'y wragedh, ‘Ada ha Silla, klewewgh ow lev, hwi wragedh Lamek, goslowewgh orth ow lavar, rag my re ladhas gour neb a'm brewis ha den yowynk neb a'm golias.

2 Samuel 13:22

Ha ny gewsis Absalom dh'y vroder naneyl da na drog; rag Absalom a gasas Amnon, drefenn ev dhe uvelhe y hwoer Tamar.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

Salmow 103:9

Ny vydh ev prest ow keredhi, ha ny syns ev y sorr bynitha.

Eksodus 20:16

Na wra fals dhustuni erbynn dha gentrevek.

Lavarow Koth 20:22

Na lavar, ‘My a attal drog’; gorta an Arloedh hag ev a'th saw.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Matthew 19:16

Hag awotta, nebonan a dheuth ha leverel dhodho, ‘A Vester, pandr'eus 'vas a wrav vy rag kavoes bewnans heb diwedh?’

Matthew 19:19

Gwra enora dha das ha'th vamm, ha Kar dha gentrevek avelos ty dha honan.’

Yowann 13:34

Gorhemmynn nowydh a rov dhywgh, hwi dhe gara an eyl y gila; dell wrugavy agas kara, hwi ynwedh dhe gara an eyl y gila.

Oberow 16:28

Mes Powl a elwis, ughel y lev, ow leverel, ‘Na wra drog vyth dhiso jy dha honan, rag yth eson ni oll omma.’

Romanyon 12:17

Na attelewgh drog dhe dhenvyth orth drog; prederewgh a daklow da a-rag tus oll;

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Romanyon 13:4

Rag gwas Duw yw ev rag dha dhader. Mar kwredh drog, porth own, rag ny dheg ev an kledha yn euver. Gwas Duw yw ev, dialor rag konnar war an drogoberer.

Romanyon 13:9

An gorhemmynnow, ‘Na wra avoutri, Na wra ladha, Na wra ladra, Na wra hwansa’, ha py gorhemmynn arall pynag a vo, yw synsys y'n lavar, ‘Gwra kara dha gentrevek par dell omgerydh.’

Galatianys 5:14

Rag oll an lagha yw kollenwys yn unn lavar: ‘Kar dha gentrevek kepar dell omgerydh dha honan.’

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Efesianys 4:31

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Kolossianys 3:8

Mes lemmyn gorrewgh dhe-ves hwi ynwedh pup-tra: sorr, konnar, atti, blasfemi, kows plos yn-mes a'gas ganow.

Ebrowyon 10:30

Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

Jamys 2:8

Mar kollenwowgh yn hwir an lagha ryel war-lergh an skryptor, Ty a wra kara dha hynsa kepar dell gerydh dha honan, yn ta y hwrewgh hwi.

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Yowann 4:21

Ha'n gorhemmynn ma a'gan beus ganso: Neb a gar Duw, kares y vroder ynwedh.