Levitikus 19:17 - An Bibel Kernewek 20234 (Kernewek Kemmyn)

¹⁷ Ny berthydh kas y'th kolonn erbynn dha vroder. Ty a rebuk dha gentrevek yn sur, ma na dhykki pegh a'y wovis.

Levitikus 19:17 Iomraidhean Croise

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

2 Samuel 13:22

Ha ny gewsis Absalom dh'y vroder naneyl da na drog; rag Absalom a gasas Amnon, drefenn ev dhe uvelhe y hwoer Tamar.

Nehemia 13:17

Ytho my a geredhis ugheloryon Yuda ha leverel dhedha, ‘Pyth yw an droktra ma esowgh hwi ow kul, ow tisakra dydh sabot?

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Lavarow Koth 9:8

Na geredh skornyer poken ev a'th kas; keredh den fur hag ev a'th kar.

Luk 17:3

Bedhewgh war! Mar pegh dha vroder, gwra y geredhi; ha mar koedh yn edrek, gav dhodho.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

1 Timothi 5:20

An re a begh, gwra aga heredhi a-dherag pub den oll may portho an re erell own.

1 Timothi 5:22

Na worr diwla yn uskis war dhenvyth, ha na gemmer rann yn peghadow tus erell. Gwra omwitha dha honan glan.

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Titus 1:13

Gwir yw an dustuni ma. Rakhenna, gwra aga heredhi yn tynn may fons i yagh y'n fydh,

Titus 2:15

Gwra derivas an taklow ma, hag ynnia ha keredhi gans pub awtorita. Na wres denvyth dha dhispresya.

1 Yowann 2:11

Mes neb a gas y vroder yma ev yn tewlder, hag a gerdh yn tewlder, ha ny wonn ev ple'th a, rag tewlder dhe dhalla y dhewlagas.

1 Yowann 2:9

Neb a lever y vos y'n golewder, hag a gas y vroder, yma ev y'n tewlder bys omma.