Levitikus 19:16 - An Bibel Kernewek 20234 (Kernewek Kemmyn)

¹⁶ Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

Levitikus 19:16 Iomraidhean Croise

Job 17:5

Neb a guhudh y gowetha rag gober, dewlagas y vebyon a fyll.

Salmow 101:5

Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

Salmow 15:3

an den nag eus mikenn war y daves, ha na wra drogober dh'y hynsa, ha na wodhev sklander erbynn y gentrevek;

Salmow 50:20

Ty a esedh ha kewsel erbynn dha vroder; ty a guhudh mab dha vamm.

Eksodus 20:16

Na wra fals dhustuni erbynn dha gentrevek.

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Eksodus 23:7

Omwith pell a fals jarj, ha na wra ladha an ewnhynsek na'n gwiryon; rag ny akwityav den kablus.

Lavarow Koth 10:18

Neb a gudh kas a'n jeves diwweus a wowegneth, ha neb a lever sklander yw foll.

Lavarow Koth 11:13

Neb a gerdh a-derdro avel hwedhler a dhiskudh kevrinyow, mes neb yw lel yn spyrys a with tra yn kudhys.

Lavarow Koth 20:19

Neb a gerdh a-dro avel hwedhler a dhiskudh kevrinyow; ytho na vydh keskoweth gans klappyer.

Yeremia 6:28

I oll yw rebellys worth, ow kerdhes gans sklanderyow: brest ha horn yns i; meschyv a wrons i oll.

Yeremia 9:4

Bedhewgh war peub a'y gentrevek, ha na fydhyewgh yn broder vyth: rag pub broder yw purra toeller, ha pub kentrevek a wra kerdhes gans sklanderyow.

Ezekiel 22:9

Ynnos re beu tus ow sklandra dhe skoellya goes; ynnos re beu tus ow tybri war an menydhyow; i re wrug tra vethus y'n kres ahanas.

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

Dewteronomi 27:25

‘Mollothek yw ev neb a gemmer falswober dhe skoella goes gwiryon.’ Ena oll an bobel a lever, ‘Amen.’

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

2 Timothi 3:3

dinatur, avleythys, kammguhudhoryon, direwl, gwyls, ow kasa dader,

Titus 2:3

Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Samuel 24:10

Y'n jydh hedhyw dha dhewlagas re welas fatell y'th ros an Arloedh a-berth y'm leuv a-ji dhe'n kav; ha leverys veu dhymm dhe'th ladha; mes my a'th sparyas. Yn-medhav “Ny vynnav ystynn ow leuv erbynn ow arloedh; rag ev yw untys an Arloedh.”