Levitikus 19:14 - An Bibel Kernewek 20234 (Kernewek Kemmyn)

¹⁴ Ny wre'ta mollethi an den bodhar na gorra ken a drebuchya dherag an den dall, mes ty a berth own a dha Dhuw. An Arloedh ov vy.

Levitikus 19:14 Iomraidhean Croise

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Levitikus 19:32

Ty a sev dherag an blew loes, hag enora an den koth, ha kavoes own a dha Dhuw. An Arloedh ov vy.

Levitikus 25:17

Ytho, ny wrewgh hwi gwaska an eyl y gila, mes ty a berth own a dha Dhuw, rag an Arloedh agas Duw ov vy.

Romanyon 12:14

Bennigewgh an re a'gas helgh, bennigewgh ha na vollethewgh.

Romanyon 14:13

Ytho na vreusyn an eyl ahanan y gila mes breusyn yn kynsa na worryn men trebuchya po maglenn yn fordh an broder.

1 Korinthianys 10:32

Na wrewgh offens vyth dhe Yedhewon, na dhe Grekys, na dhe eglos Duw,

Dewteronomi 27:18

‘Mollothek yw ev neb a gammled den dall y'n fordh.’ Ena oll an bobel a lever, ‘Amen.’

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Peder 2:17

Gwrewgh enora pub den oll, kara an brederedh, Duw, enora an emperour.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.