Levitikus 19:10 - An Bibel Kernewek 20234 (Kernewek Kemmyn)

¹⁰ Ny wre'ta destryppya dha winlann, na kuntell an grappys yw koedhys. Ty a's gas rag an voghosogyon ha'n alyons. An Arloedh agas Duw ov vy.

Levitikus 19:10 Iomraidhean Croise

Ysay 17:6

Mes gesigow a worta ynno, kepar ha pan vo olewbrenn gweskys, diw po teyr olivenn adhves orth penn an varrenn, peswar po pymp yn y skorr feyth, yn-medh an Arloedh, Duw Ysrael.

Ysay 24:13

Yndellma y hwyrvydh yn kres an nor, yn mysk an poblow, kepar dell yw olewennow shakys dhiworth olewbrenn, kepar ha gesigow an grappys pan worfenn an drevas.

Yeremia 49:9

Mar teffa dhis kuntelloryon grappys, a ny assens rann? Mar teffa ladron y'n nos, a ny byllsens unnsel an pyth a ve lowr ragdha?

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 19:11

Ny wrewgh hwi ladra na toella na frowsya an eyl y gila.

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Levitikus 19:9

Pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas.

Levitikus 23:22

Ha pan vysowgh trevas agas tir, ny vysydh yn tien sornow dha wel, na ny wre'ta kuntell gesigow dha drevas. Ty a's gas rag an voghosogyon ha'n alyons. An Arloedh agas Duw ov vy.

Levitikus 25:6

Ha sabot an tir a vydh boes ragowgh, ragos jy, ha rag dha gethwas ha rag dha gethes ha rag dha was arvethys ha rag an godriger usi trigys genes;

Obadia 1:5

Mar teffa robbyoryon dhis, po ladron yn nos, fatell allses bos distruys? A ny wrussens ladra unnweyth an pyth a ve lowr ragdha i aga honan? Mar teffa kuntelloryon grappys dhis, a ny wrussens gasa rann a'n grappys?

Mika 7:1

Go-vy! Rag deuvev ha bos avel diwettha kuntell frut an hav, po kuntell gesigow trevas an grappys, pan nag eus grappys gesys dhe dhybri, na figys a-varr a'm beus hwans anedha.

Dewteronomi 24:19

Pan vysydh dha drevas y'th wel, hag ankevi manal y'n gwel, na dhehwel dh'y hemmeres; hi a vydh dhe'n alyon, dhe'n omdhivas ha dhe'n wedhwes, rag ma'th vennikko an Arloedh dha Dhuw yn oll ober dha dhiwleuv.

Dewteronomi 24:20

Pan weskydh dha olewbrennyer, na guntell frut nessa gweyth; y fydh dhe'n alyon ha dhe'n omdhivas ha dhe'n wedhwes.

Dewteronomi 24:21

Pan guntellydh grappys dha winlann, na guntell nessa gweyth; y fydh dhe'n alyon ha dhe'n omdhivas ha dhe'n wedhwes.

Breusysi 8:2

Ytho yn-medh ev dhedha, ‘Pandr'a wrug vy lemmyn kehaval dhywgh hwi? A nyns yw gesigow grappys Efraym gwell ages leun drevas grappys Abiezer?

Ruth 2:2

Hag yn-medh Ruth an venyn a Moab dhe Naomi, ‘Gas vy dhe vos, my a'th pys, a-berth y'n gwel dhe guntell gesigow an ys war-lergh nebonan may kavav gras yn y dhewlagas.’ Ha hi a leveris dhedhi, ‘Ke, ow myrgh.’