Levitikus 18:8 - An Bibel Kernewek 20234 (Kernewek Kemmyn)

⁸ Ny wredh diskudha noethedh gwreg dha das. Noethedh dha das yw.

Levitikus 18:8 Iomraidhean Croise

Jenesis 35:22

Pan esa Yakob trigys y'n pow na, Rewben eth ha growedha gans Bilha, iswreg y das, hag Ysrael a glewas anodho. Lemmyn yth esa dewdhek mab dhe Yakob.

Jenesis 49:4

Ewynek avel dowr, ny vydh dhis ragwir, rag ty eth yn-bann dhe weli dha das. Ena ty a'n defolas; ty eth yn-bann dhe'm growedhva.

Ezekiel 22:10

Ynnos i re dhiskudhas noethedh aga thasow, ynnos i re dhefolas an venyn yn hy amseryow.

Levitikus 20:11

Ha'n gour a wrowedh gans gwreg y das re dhiskudhas noethedh y das, aga dew a vydh gorrys dhe'n mernans yn sur; aga goes a vydh warnedha i.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

Dewteronomi 22:30

Na gemmeres gour gwreg y das; ha na dhiskudhes lostenn y das.

Dewteronomi 23:1

Neb yw brewys y dhiwgell, po treghys y galgh ny enter a-ji dhe guntelles an Arloedh.

Dewteronomi 27:20

‘Mollothek yw ev neb a wrowedh gans gwreg y das, drefenn ev re dhiskudhas lostenn y das.’ Ena oll an bobel a lever, ‘Amen.’