Levitikus 18:5 - An Bibel Kernewek 20234 (Kernewek Kemmyn)

⁵ Ytho, hwi a syns ow ordenansow vy ha'm breusow vy. Den mar kwra hemma, ev a vew ynna. An Arloedh ov vy.

Levitikus 18:5 Iomraidhean Croise

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Eksodus 6:2

Ha Duw a leveris dhe Moyses, ‘My yw an Arloedh;

Eksodus 6:29

an Arloedh a leveris dhe Moyses, ‘My yw an Arloedh; lavar dhe Faro myghtern Ejyp pup-tra a lavarav dhis.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ezekiel 18:9

hag a gerdh y'm ordenansow hag a wayt gul ow breusow yn gwirder – ev yw gwiryon, ev a vew yn sur, yn-medh an Arloedh Duw.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Levitikus 18:6

Ny wra denvyth ahanowgh dos nes dhe neshevin dhe dhiskudha aga noethedh. An Arloedh ov vy.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Matthew 19:17

Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas. Mar mynnydh mos a-bervedh y'n bewnans na, gwith an gorhemmynnow.’

Luk 10:28

Hag ev a leveris dhodho, ‘Ewn y hworthybsys; hemma gwra, ha ty a vew.’

Romanyon 10:5

Rag Moyses a skrif a-dro dhe ewnder an lagha, ‘An den a wra an taklow ma a vew dredha.’

Romanyon 7:10

hag y ferwis vy; an keth gorhemmynn o bewnans dhymm a dheuth ha bos mernans dhymmo vy.

Galatianys 3:12

Nyns yw an lagha selys war fydh, mes, ‘Neb a wrello an oberow a vew ynna.’

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.