Levitikus 18:3 - An Bibel Kernewek 20234 (Kernewek Kemmyn)

³ Ny wrewgh naneyl war-lergh gwriansow pow Ejyp le mayth esewgh trigys, na war-lergh gwriansow pow Kanan le mayth esov orth agas dri, na gwrewgh hwi kerdhes war-lergh aga ordenansow.

Levitikus 18:3 Iomraidhean Croise

2 Myghternedh 17:8

ha kerdhes yn ordenansow an kenedhlow a wrussa an Arloedh aga fesya yn-mes a-rag an Ysraelysi, ha kerdhes y'n taklow gwrys gans myghternedh Ysrael.

Salmow 106:35

Mes i a veu kemmyskys gans an kenedhlow ha dyski aga gwriansow.

Eksodus 23:24

Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Ezekiel 23:8

Ny asas hy fornikasyon a-dhia hy thermyn yn Ejyp, rag yn hy yowynkneth yth esa gwer ow krowedh gensi; i a waska hy diwvronn wyrgh ha diveri aga lust warnedhi.

Levitikus 20:23

Ha ny wrewgh hwi kerdhes war-lergh ordenansow an genedhel a dowlav yn-mes dheragowgh, rag i re wrug oll an taklow ma, ha my a's kasas.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Dewteronomi 12:4

Na wrewgh gordhya an Arloedh agas Duw yndella.

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Dewteronomi 9:4

Na lavar y'th kolonn, pan wra an Arloedh dha Dhuw aga fesya a-ragos, ‘Yth yw drefenn ow ewnder y hwrug an Arloedh ow dri dhe erita an tir ma.’ Yth yw drefenn sherewynsi an kenedhlow ma y hwra an Arloedh aga fesya a-ragos.