Levitikus 18:25 - An Bibel Kernewek 20234 (Kernewek Kemmyn)

²⁵ ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Levitikus 18:25 Iomraidhean Croise

1 Myghternedh 21:26

Ev a faryas yn kasadow owth holya idolyow, par dell wrussa an Amorysi, neb a veu herdhys yn-mes gans an Arloedh a-rag an Ysraelysi.)

Ezra 9:11

a erghsys dre dha servysi an brofoesi, ow leverel, “An tir, mayth esowgh owth entra ynno dh'y berghenna, yw tir defolys gans mostedhes tus an powyow. Der aga thaklow kasadow, i re'n lenwis hys-ha-hys a'ga avlander.

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Salmow 89:32

ena my a gessydh aga threuspass gans an welenn ha'ga hammweyth gans strokosow.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Yeremia 14:10

Yndellma y lever an Arloedh dh'y bobel: Yn hwir i re garas gwandra, ny fronnsons aga threys, yndella ny's degemmer an Arloedh; lemmyn ev a wra perthi kov a'ga drogoberow, ha kessydhya aga feghosow.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Yeremia 5:9

A ny wrav aga hessydhya drefenn an traow ma? yn-medh an Arloedh: hag a ny vydh ow enev diellys war genedhel a'n par ma?

Yeremia 9:9

A ny wrav vy aga hessydhya drefenn an traow ma? yn-medh an Arloedh: a ny vydh ow enev diellys war genedhel a'n par ma?

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Levitikus 18:26

Ytho hwi a syns ow ordenansow ha'm breusow ha ny wrewgh nagonan a'n taklow kasadow ma, naneyl an genesik na'n alyon trigys yn agas mysk.

Levitikus 18:28

ma na wra an tir agas hwyja yn-mes ynwedh pan y'n defolowgh, dell hwyjas yn-mes an kenedhlow esa ena dheragowgh hwi.

Romanyon 8:22

Ni a woer an kreasyon oll dhe vos ow kyni hag ow suffra paynys warbarth kepar hag yn gwelivos bys lemmyn;

Dewteronomi 18:12

Rag pubonan a wra an taklow ma yw kasadow dhe'n Arloedh, ha drefenn an taklow kasadow ma, yma an Arloedh dha Dhuw orth aga fesya a-ragos.

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.