Levitikus 18:24 - An Bibel Kernewek 20234 (Kernewek Kemmyn)

²⁴ Na wrewgh omdhefola mann der oll an taklow ma, rag der oll an taklow ma yw defolys an kenedhlow a dowlav yn-mes dheragowgh,

Levitikus 18:24 Iomraidhean Croise

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

2 Kroniklys 33:2

Ev a wrug an pyth o drog yn golok an Arloedh, war-lergh oberow kasadow an kenedhlow a wrussa an Arloedh aga fesya a-rag pobel Ysrael.

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Ezekiel 36:17

Mab den, pan esa chi Ysrael trigys yn aga thir aga honan, i a'n defolas der aga fara ha'ga gwriansow; yth o aga fara kepar hag avlander amseryow a-ragov.

Levitikus 18:3

Ny wrewgh naneyl war-lergh gwriansow pow Ejyp le mayth esewgh trigys, na war-lergh gwriansow pow Kanan le mayth esov orth agas dri, na gwrewgh hwi kerdhes war-lergh aga ordenansow.

Levitikus 18:30

Ytho synsewgh ow charj, ma na wryllowgh travyth a'n ordenansow kasadow a'n par ma a veu gwrys kyns hwi dhe dhos, nag omdhefola dredha. An Arloedh agas Duw ov vy.

Niverow 35:34

Ny wrewgh defola an tir may fydhowgh trigys, mayth esov trigys yn kres anodho, rag yth esov vy an Arloedh trigys yn mysk mebyon Ysrael.

1 Korinthianys 3:17

Mar tistru nebonan tempel Duw, Duw a dhistru an den na; rag sans yw tempel Duw, ha'n tempel na yth owgh hwi.

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.

Dewteronomi 18:12

Rag pubonan a wra an taklow ma yw kasadow dhe'n Arloedh, ha drefenn an taklow kasadow ma, yma an Arloedh dha Dhuw orth aga fesya a-ragos.

Dewteronomi 9:4

Na lavar y'th kolonn, pan wra an Arloedh dha Dhuw aga fesya a-ragos, ‘Yth yw drefenn ow ewnder y hwrug an Arloedh ow dri dhe erita an tir ma.’ Yth yw drefenn sherewynsi an kenedhlow ma y hwra an Arloedh aga fesya a-ragos.

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

Breusysi 20:10

Ni a gemmer deg gour yn-mes a gans der oll loethow Ysrael, ha kans yn-mes a vil, ha mil yn-mes a dheg mil, rag dri provians rag an bobel, a vydh ow mos rag attyli dhe Gibea yn Benyamin a'n dra dhivlas re wrussons yn Ysrael.’

Breusysi 20:5

Gwer Gibea a sevis er ow fynn, hag a gylghyas an chi yn nos, ha'ga thowl o ow ladha, hag i a ravnas ow iswreg bys pan verwis.

Breusysi 20:6

Ena my a gemmeras ow iswreg hag a's troghas yntra rannow, hag a's dannvonas der oll pow eretons Ysrael, rag i re wrussa tra dhivlas yn Ysrael.