Levitikus 17:5 - An Bibel Kernewek 20234 (Kernewek Kemmyn)

⁵ Hemm yw, may trollo mebyon Ysrael aga sakrifisow a sakrifions y'n gwel igor, orth aga thri dhe'n Arloedh, dhe dharas tylda an kuntelles, dhe'n oferyas, ha'ga sakrifia avel offrynnow kres dhe'n Arloedh.

Levitikus 17:5 Iomraidhean Croise

Jenesis 21:33

Hag Abraham a blansas tamariskenn yn Beer-sheba ha gelwel ena war hanow an Arloedh, Duw heb diwedh.

Jenesis 22:13

Hag Abraham a dhrehevis y dhewlagas hag awotta, war y lergh hordh maglennys der y gern yn prysk, hag Abraham eth ha kemmeres an hordh ha'y offrynna avel offrynn leskys yn le y vab.

Jenesis 22:2

Hag yn-medh ev, ‘Kemmer dha vab, dha unn vab Ysak a gerydh, ha ke dhe bow Moria ha'y offra ena avel offrynn leskys war onan an menydhyow a lavarav dhis.’

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

1 Myghternedh 3:2

Yth esa an bobel ow sakrifia y'n tylleryow ughel, drefenn na via chi drehevys hwath dhe hanow an Arloedh.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

2 Myghternedh 16:4

Hag ev a sakrifia ha leski offrynnow y'n tylleryow ughel, ha war an breow, hag yn-dann bub gwydhenn las.

2 Myghternedh 17:10

I a settyas yn-bann ragdha aga honan peulveyn hag Asherim war bub bre ughel hag yn-dann bub gwydhenn las;

2 Kroniklys 28:4

Ev a sakrifia ha leski offrynnow y'n tylleryow ughel, war an breow, hag yn-dann bub gwydhenn las.

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 22:9

Ynnos re beu tus ow sklandra dhe skoellya goes; ynnos re beu tus ow tybri war an menydhyow; i re wrug tra vethus y'n kres ahanas.

Ezekiel 43:27

Wosa gorfenna an dydhyow ma, ena an oferysi a wra agas offrynnow leskys ha'gas offrynnow kres war an alter; ha my a's degemmer, yn-medh an Arloedh Duw.

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Levitikus 17:4

heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Levitikus 17:6

Ha'n oferyas a skoell an goes war alter an Arloedh, orth daras tylda an kuntelles, ha leski an blonek dhe wul sawer plegadow dhe'n Arloedh.

Dewteronomi 12:2

Distruewgh glan oll an tylleryow may hwrug an kenedhlow esowgh ow kemmeres aga eretons servya aga duwow ena, war an menydhyow ha war an brennow hag yn-dann bub gwydhenn las.