Levitikus 17:4 - An Bibel Kernewek 20234 (Kernewek Kemmyn)

⁴ heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Levitikus 17:4 Iomraidhean Croise

Jenesis 17:14

Ha gorreydh heb trodreghyans, nag yw trodreghys kig y gudhgenn, treghys dhe-ves dhiworth y bobel vydh an enev na; ev re dorras ow hevambos.’

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:19

Dre seyth dydh ny vydh kevys goell vyth yn agas chiow; rag mar teppro nebonan neppyth gans goell, an den na a vydh treghys a guntelles Ysrael, kyn fo alyon po genesik a'n tir.

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Eksodus 30:38

Piwpynag a wrello nebes haval dhodho dh'y dhevnydhya avel perfum a vydh treghys a'y bobel.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:14

Rag bewnans pub kig yw y woes. Ytho my a leveris dhe vebyon Ysrael, Ny wrewgh dybri goes kig vytholl, rag bewnans pub kig yw y woes. Piwpynag a'n dheppro a vydh treghys dhe-ves.

Levitikus 17:3

Piwpynag a ji Ysrael a lattho ojyon po oen po gaver a-berth y'n kamp po y ladha a-ves dhe'n kamp,

Levitikus 17:5

Hemm yw, may trollo mebyon Ysrael aga sakrifisow a sakrifions y'n gwel igor, orth aga thri dhe'n Arloedh, dhe dharas tylda an kuntelles, dhe'n oferyas, ha'ga sakrifia avel offrynnow kres dhe'n Arloedh.

Levitikus 17:9

heb y dhri dhe dharas tylda an kuntelles, dh'y offrynna dhe'n Arloedh, an keth gour na a vydh treghys dhe-ves dhiworth y bobel.

Levitikus 18:29

Peub a wrello taklow kasadow a'n par ma, an re a's gwra a vydh treghys dhe-ves dhiworth aga fobel.

Levitikus 20:16

Mar teu benyn ogas dhe vest dhe wrowedha ganso, ty a ladh an venyn ha'n best ynwedh. I a vydh gorrys dhe'n mernans. Aga goes a vydh warnedha i.

Levitikus 20:18

Mar krowedh gour gans benyn yn termyn hy amseryow, ha diskudha hy noethedh, ev re dhiskudhas hy fenten, ha hi re dhiskudhas fenten hy goes, ha'ga dhew a vydh treghys dhe-ves dhiworth aga fobel.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 3:2

Hag ev a worr y leuv war benn y offrynn ha'y ladha orth daras tylda an kuntelles, ha mebyon Aron, an oferysi, a wra skoellya an goes war an alter a-derdro.

Levitikus 7:18

Ha mars eus neppyth a gig sakrifis y offrynnow kres dybrys an tressa dydh, ny vydh degemmerys na ny vydh reknys dhe neb a'n offrynn, ha ny vydh reknys dhodho; avel offrynn dhiworth neb a'n offrynn. Avlan vydh ha neb a'n deber a vydh kablus a'y gammweyth.

Yowann 10:7

Ena Yesu a leveris arta, ‘Yn hwir, yn hwir y lavarav dhywgh, my yw daras an deves.

Yowann 10:9

My yw an daras; piwpynag a dheffo a-ji dredhov vy, ev a vydh selwys, ha dos a-ji ha mos yn-mes a wra, ha kavoes peurva.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Romanyon 4:6

Yndella Davydh a gews a vennesikter an den neb yw reknys ewn gans Duw heb oberow:

Romanyon 5:13

yth esa pegh a-bervedh y'n bys kyns an lagha dhe vos, mes nyns yw reknys avel pegh pan nag eus lagha.

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Dewteronomi 21:8

Gwra dehwelyans rag dha bobel Ysrael a dhasprensys, Arloedh, ha na ro kabel an goes gwiryon yn mysk dha bobel Ysrael.’ Hag y fydh dehwelyans a'n goes ragdha.