Levitikus 17:15 - An Bibel Kernewek 20234 (Kernewek Kemmyn)

¹⁵ Ha pub den a dheppro karyn po neppyth re beu skwardys gans bestes gwyls, genesik po alyon kyn fo, ev a wolgh y dhillas hag omvadhya yn dowr, hag ev a vydh avlan bys y'n gorthugher, hag ena glan vydh ev.

Levitikus 17:15 Iomraidhean Croise

Eksodus 22:30

Ty a wra yndellma ynwedh gans dha oghen ha gans dha dheves: seyth dydh y fydh gans y vamm; y'n ethves dydh ty a wra y ri dhymm.

Eksodus 22:31

Hwi a vydh gwer sakrys dhymm; yndellma ny wrewgh dybri kig vyth yw skwardys gans bestes an gwel; hwi a'n tewl dhe'n keun.

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Ezekiel 44:31

Ny dheber an oferysi travyth a verwis a'y honan, na preydh skwardys gans edhen na best.

Levitikus 11:24

Ha der an re ma hwi a vydh avlan: neb a docchyo korf onan anedha a vydh avlan bys y'n gorthugher.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 11:27

Ha pypynag a gertho war y bawyow, yn mysk pub best a gerdh war beswar troes, avlan yns dhywgh. Piwpynag a docchyo aga horf a vydh avlan bys y'n gorthugher.

Levitikus 11:28

Ha neb a dhokko an korf anedha a wolgh y dhillas ha bos avlan bys y'n gorthugher. Avlan yns dhywgh.

Levitikus 11:31

Avlan dhywgh yw an re ma yn mysk oll an re a hes; piwpynag a's tocchyo hag i marow a vydh avlan bys y'n gorthugher.

Levitikus 11:32

Ha pypynag may koedh nebonan anedha warnodho hag ev marow, a vydh avlan, kyn fo lester prenn, po dillas po kneus po sagh. Py lester pynag a vo mayth yw ober gwrys ynno a dal bos gorrys yn dowr hag y fydh avlan bys y'n gorthugher. Ena y fydh glan.

Levitikus 11:39

Ha mar merow neb best a yllowgh dybri, neb a dheppro rann a'y gorf a vydh avlan bys y'n gorthugher.

Levitikus 11:40

Ha neb a dheppro an korf a wolgh y dhillas ha bos avlan bys y'n gorthugher; ha neb a dhokko y gorf a wolgh y dhillas ha bos avlan bys y'n gorthugher.

Levitikus 15:10

Ha piwpynag a docchyo neppyth esa yn-danno a vydh avlan bys y'n gorthugher; hag ev neb a dheg an taklow na a wolgh y dhillas hag omvadhya yn dowr ha pesya avlan bys y'n gorthugher.

Levitikus 15:21

Ha piwpynag a docchyo hy gweli a wolgh y dhillas hag omvadhya yn dowr, ha pesya avlan bys y'n gorthugher.

Levitikus 15:5

Ha piwpynag a docchyo y weli a wolgh y dhillas hag omvadhya yn dowr ha pesya avlan bys y'n gorthugher.

Levitikus 22:8

Ny wra dybri an pyth a verow y honan, po yw skwardys gans bestes gwyls. Ny dheber hemma, owth omdhefola dredho. An Arloedh ov vy.

Levitikus 7:24

Blonek best a verow y honan po yw skwardys gans bestes gwyls a yll bos usys yn neb fordh arall mes ny wrewgh hwi y dhybri.

Niverow 19:19

ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 19:21

Hag y fydh ordenans bys vykken ragdha. Ev neb a skoell an dowr a lanheans a wra golghi y dhillas; hag ev neb a doch an dowr a lanheans a vydh avlan bys an gorthugher.

Niverow 19:8

Ev neb a lesk an lejek a wra golghi y dhillas yn dowr, ha badhya y gorf yn dowr, hag a vydh avlan bys y'n gorthugher.

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.