Levitikus 17:10 - An Bibel Kernewek 20234 (Kernewek Kemmyn)

¹⁰ Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:10 Iomraidhean Croise

Jenesis 9:4

Mes kig hag ynno y vewnans, henn yw y woes, ny wrewgh y dhybri.

2 Samuel 23:17

Hag ev a leveris, ‘An Arloedh difenn, my dhe wul hemma. A nyns yw hemma goes an wer neb eth orth peryll aga bewnans?’ Ha ny vynnas Davydh y eva. An traow ma a wrug an tri hasor.

Salmow 34:16

Yma fas an Arloedh erbynn an re a wra drog, dhe gisya aga hovadh dhiworth an norvys.

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Yeremia 21:10

Rag my re worras ow fas erbynn an sita ma rag drog, a-der rag da, yn-medh an Arloedh: res vydh yn dorn myghtern Babylon, hag ev a's lesk gans tan.

Yeremia 44:11

Rakhenna yndellma y lever Arloedh an luyow, Duw Ysrael: Otta, my a sett ow fas er agas pynn rag drogedh ha dhe dhistrui Yuda oll.

Ezekiel 14:8

My a sett ow fas erbynn an gour ma ha'y wul ensampel ha henlavarow, ha my a'n tregh yn-mes a'm pobel. Ena hwi a woer my dhe vos an Arloedh.

Ezekiel 15:7

My a sett ow fas er aga fynn. Kyn skapyons dhe-ves dhiworth an tan, an tan a's deber; ha hwi a woer my dhe vos an Arloedh, pan settyav ow fas er aga fynn.

Ezekiel 33:25

Rakhenna, lavar dhedha, Yndellma y lever an Arloedh Duw: Hwi a dheber kig gans an goes, ha drehevel agas dewlagas dh'agas idolys, ha skoellya goes. A eritowgh an tir?

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Levitikus 17:11

Rag yma bewnans an kig y'n goes, ha my re'n ros dhywgh war an alter dhe wul dehwelyans rag agas enevow; rag an goes a wra dehwelyans rag an enev.

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.

Oberow 15:20

mes may skriffyn dhedha i dhe goheles defolansow idolys, ha dijastita, ha kig tegys, ha goes.

Oberow 15:29

goheles boes sakrifiys dhe idolys, ha goes, ha taklow tegys, ha dijastita; ha hwi owth omwitha orth an re ma, hwi a wra yn ta. Farwell.’

Dewteronomi 12:16

Saw unnsel an goes ny dhebrowgh; hwi a'n dinwa war an tir avel dowr.

Dewteronomi 12:23

Saw bydh sur na dhybrydh an goes, rag an goes yw an enev, ha ny dhybrydh an enev gans an kig.

Dewteronomi 15:23

Saw y woes ny dhybrydh; ty a'n dinwa war an gweres avel dowr.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

1 Samuel 14:32

ha'n bobel a stevyas yn-nans ow skrija war an preydh, ha kemmeres deves hag oghen ha leughi, ha'ga ladha war an dor; ha'n bobel a's dybris gans an goes.

1 Samuel 14:33

Ena yth o derivys dhe Sowl, ‘Ottomma an bobel ow pegha erbynn an Arloedh dre dhybri gans an goes.’ Hag ev a leveris, ‘Hwi re dorras fydh; rolyewgh men bras omma dhymm y'n jydh ma.’