Levitikus 16:8 - An Bibel Kernewek 20234 (Kernewek Kemmyn)

⁸ Hag Aron a dewl prenn war an dhew vogh, unn prenn a-barth an Arloedh, ha'n prenn arall a-barth an bogh-diank.

Levitikus 16:8 Iomraidhean Croise

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Ezekiel 48:29

Hemm yw an tir a wredh y ranna avel eretons ow tewlel prenn rag loethow Ysrael, ha'n re ma yw aga rannow, yn-medh an Arloedh Duw.

Levitikus 16:10

Mes an bogh may koedhas warnodho an prenn dhe vos an bogh-diank a vydh settys bew dherag an Arloedh dhe wul dehwelyans ganso ha dhe vos dannvenys avel bogh-diank y'n difeythtir.

Levitikus 16:26

Hag ev neb a liver an bogh avel bogh-diank a wolgh y dhillas ha badhya y gig yn dowr ha wosa henna ev a dheu a-ji dhe'n kamp.

Levitikus 16:7

Hag ev a gemmer an dhew vogh ha'ga settya dherag an Arloedh orth daras tylda an kuntelles.

Levitikus 16:9

Hag Aron a dhre an bogh may koedhas prenn an Arloedh warnodho ha'y offrynna rag offrynn pegh.

Yona 1:7

Hag yn-medhons an eyl dh'y gila, ‘Dewgh, tewlyn ni prenn, may fo godhvedhys dhyn piw yw dhe vlamya, an drog ma dhe vos devedhys warnan.’ Ytho i a dewlis prenn, ha'n prenn a goedhas war Yona.

Niverow 26:55

Mes an tir a vydh kevrennys gans tewlel prenn; herwydh henwyn kordhow aga thasow i a wra erita.

Niverow 33:54

Hwi a wra ranna an tir rag eretons gans tewlel prenn herwydh agas teyluyow; dhe loeth bras hwi a re eretons bras, ha dhe loeth byghan hwi a re eretons byghan; dhe neb a goettho an prenn, henna a vydh dhodho; herwydh loethow agas tasow hwi a wra herya.