Levitikus 16:34 - An Bibel Kernewek 20234 (Kernewek Kemmyn)

³⁴ Ha hemma a vydh ordenans bys vykken ragowgh, dhe wul dehwelyans rag mebyon Ysrael rag oll aga feghosow unnweyth y'n vlydhen. Hag ev a wrug dell erghis an Arloedh dhe Moyses.

Levitikus 16:34 Iomraidhean Croise

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 30:10

Aron a wra prenedh war hy hern unnweyth y'n vlydhen; gans goes offrynn pegh an prenedh ev a wra prenedh ragdho unnweyth y'n vlydhen der agas henedhow; yth yw an moyha sans dhe'n Arloedh.

Eksodus 39:43

Ha Moyses a welas oll an ober, hag otta, i re'n gwrussa; dell worhemmynnsa an Arloedh, yndella i re'n gwrussa. Ha Moyses a's bennigas.

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Levitikus 17:1

Ha'n Arloedh a gewsis orth Moyses, ow leverel:

Levitikus 23:28

Ha ny wrewgh hwi ober vyth poran an jydh na, rag dydh dehwelyans yw dhe wul dehwelyans ragowgh dherag an Arloedh agas Duw.

Levitikus 23:31

Ny wrewgh hwi ober vyth. Ordenans bys vykken yw der agas henedhow, yn oll agas trigvaow.

Levitikus 24:23

Ha Moyses a gewsis orth mebyon Ysrael, bos res dhedha dri neb re wrussa mollethi yn-mes a'n kamp ha'y labydha gans meyn. Ha mebyon Ysrael a wrug dell erghis an Arloedh dhe Moyses.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Niverow 29:7

Y'n degves dydh a'n seythves mis ma hwi a'gas bydh kuntelles sans, hag omjastia; ny wrewgh ober arvethys.

Ebrowyon 10:14

Rag der unn offrynn ev re berfydhhas bys vykken an re yw sanshes.

Ebrowyon 10:3

Mes y'n sakrifisow ma yma arta kov pegh pub blydhen.

Ebrowyon 9:25

Ha nyns o dhe omoffrynna menowgh, par dell enter an arghoferyas a-ji dhe'n Tyller Sans pub blydhen gans goes dhiworth re erell;

Ebrowyon 9:7

mes a-ji dhe'n nessa, nyns a marnas an arghoferyas, hag ev marnas unnweyth y'n vlydhen, ha nyns a heb kemmeres goes hag a offrynn ragdho y honan, ha rag peghosow an bobel gwrys dre wall.