Levitikus 16:31 - An Bibel Kernewek 20234 (Kernewek Kemmyn)

³¹ Sabot solem a bowes vydh ragowgh, ha hwi a omjasti; yth yw ordenans bys vykken.

Levitikus 16:31 Iomraidhean Croise

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Eksodus 31:15

Hwegh dydhweyth a ober a vydh gwrys, mes an seythves dydh yw sabot a bowes, sans dhe'n Arloedh; piwpynag a wrello ober vyth dydh an sabot a vydh gorrys dhe'n mernans.

Eksodus 35:2

Hwegh dydh y fydh ober gwrys, mes y'n seythves dydh y'gas bydh sabot sans a bowes dhe'n Arloedh; piwpynag a wrello ober vyth ynno a vydh gorrys dhe'n mernans;

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Daniel 10:12

Hag y leveris dhymm, ‘Na borth own, Daniel, rag a-dhia'n kynsa dydh may hworrsys dha vrys dhe gonvedhes, hag omuvelhe a-rag dha Dhuw, re beu klewys dha eryow, ha devedhys ov drefenn dha eryow.

Levitikus 23:32

Y fydh sabot solem ragowgh ha hwi a omjasti. Yn nawves dydh an mis y'n gorthugher, a'n gorthugher bys y'n gorthugher hwi a with agas sabot.

Levitikus 25:4

Mes an seythves blydhen a vydh sabot solem dhe'n tir rag an Arloedh. Ny hesydh dha wel na skethra dha winlann.