Levitikus 16:29 - An Bibel Kernewek 20234 (Kernewek Kemmyn)

²⁹ Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 16:29 Iomraidhean Croise

1 Myghternedh 8:2

Oll gwer Ysrael a omguntellas dhe vyghtern Solomon dhe'n goel y'n mis Ethanim, an seythves mis.

Ezra 3:1

Pan dheuth an seythves mis, ha mebyon Ysrael y'n sitys, an bobel a omguntellas gans unn akord yn Yerusalem.

Ezra 8:21

Ena my a elwis rag penys ena, ryb an avon Ahava, mayth omuvelhyn a-rag agan Duw, rag hwilas a-dhiworto hyns heb kaletter ragon, ha rag agan fleghes, gans oll agan pythow.

Salmow 35:13

Pan ens i klav, my a omwiskas yn yskar, hag uvelhe ow enev gans penys, ha'm pysadow a dhehwelis heb gorthyp.

Salmow 69:10

Pan wrugavy dhe'm enev kyni gans penys, treylys o henna yn mewl dhymm.

Eksodus 12:16

Y'n kynsa dydh hwi a wra synsi kuntelles sans, hag y'n seythves dydh kuntelles sans; ober kammenn ny vydh gwrys ynna; mes an pyth a goedh dhe bub huni y dhybri, henna unnsel a vydh pareusys genowgh.

Eksodus 20:10

mes an seythves dydh yw sabot dhe'n Arloedh dha Dhuw; ynno ny wredh ober vyth, ty, na dha vab, na dha vyrgh, dha was, na dha vaghteth, na dha jatel, na'n alyon usi a-ji dhe'th yetow;

Eksodus 30:10

Aron a wra prenedh war hy hern unnweyth y'n vlydhen; gans goes offrynn pegh an prenedh ev a wra prenedh ragdho unnweyth y'n vlydhen der agas henedhow; yth yw an moyha sans dhe'n Arloedh.

Eksodus 31:14

Hwi a wra gwitha an sabot, rag y vos sans dhywgh; peub a'n defol a vydh gorrys dhe'n mernans; piwpynag a wrello ober vyth ynno, an enev na a vydh treghys a-dhiworth y bobel.

Eksodus 31:15

Hwegh dydhweyth a ober a vydh gwrys, mes an seythves dydh yw sabot a bowes, sans dhe'n Arloedh; piwpynag a wrello ober vyth dydh an sabot a vydh gorrys dhe'n mernans.

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Daniel 10:12

Hag y leveris dhymm, ‘Na borth own, Daniel, rag a-dhia'n kynsa dydh may hworrsys dha vrys dhe gonvedhes, hag omuvelhe a-rag dha Dhuw, re beu klewys dha eryow, ha devedhys ov drefenn dha eryow.

Daniel 10:3

Boes sawrys ny dhybryn, ny entra y'm ganow na kig na gwin, ha ny wren vy omuntya gans oyl, bys diwedh an teyr seythun.

Levitikus 23:21

Ha hwi a dheklar y'n keth jydh na, y fydh kuntelles sans ragowgh; ny wrewgh hwi ober arvethys. Ordenans yw bys vykken yn oll agas trigvaow, der agas henedhow.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Levitikus 23:36

Seyth dydh hwi a offrynn offrynnow dre dan dhe'n Arloedh. Y'n ethves dydh y fydh kuntelles sans ragowgh, ha hwi a offrynn offrynn dre dan dhe'n Arloedh. Kuntelles solem yw, ha ny wrewgh hwi ober arvethys.

Levitikus 25:9

Ena ty a wra dhe'n hirgorn seni yn degves dydh an seythves mis; yn dydh an dehwelyans hwi a wra dhe'n hirgorn seni der oll agas tir.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Niverow 29:7

Y'n degves dydh a'n seythves mis ma hwi a'gas bydh kuntelles sans, hag omjastia; ny wrewgh ober arvethys.

Oberow 27:9

Ha pan dremensa meur a dermyn, ha drefenn bos an vyaj peryllus lemmyn, rag nans o an Penys passys seulabrys, Powl a's kusulyas,

1 Korinthianys 11:31

Mes mar preussen ni agan honan yn hwir, ny vien ni breusys;

Ebrowyon 4:10

rag piwpynag a dheffo a-ji dhe bowesva Duw, henna a hedh a'y oberow, dell wrug Duw a'y oberow ev.

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.