Levitikus 16:26 - An Bibel Kernewek 20234 (Kernewek Kemmyn)

²⁶ Hag ev neb a liver an bogh avel bogh-diank a wolgh y dhillas ha badhya y gig yn dowr ha wosa henna ev a dheu a-ji dhe'n kamp.

Levitikus 16:26 Iomraidhean Croise

Levitikus 11:24

Ha der an re ma hwi a vydh avlan: neb a docchyo korf onan anedha a vydh avlan bys y'n gorthugher.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 11:27

Ha pypynag a gertho war y bawyow, yn mysk pub best a gerdh war beswar troes, avlan yns dhywgh. Piwpynag a docchyo aga horf a vydh avlan bys y'n gorthugher.

Levitikus 11:28

Ha neb a dhokko an korf anedha a wolgh y dhillas ha bos avlan bys y'n gorthugher. Avlan yns dhywgh.

Levitikus 11:31

Avlan dhywgh yw an re ma yn mysk oll an re a hes; piwpynag a's tocchyo hag i marow a vydh avlan bys y'n gorthugher.

Levitikus 11:32

Ha pypynag may koedh nebonan anedha warnodho hag ev marow, a vydh avlan, kyn fo lester prenn, po dillas po kneus po sagh. Py lester pynag a vo mayth yw ober gwrys ynno a dal bos gorrys yn dowr hag y fydh avlan bys y'n gorthugher. Ena y fydh glan.

Levitikus 11:39

Ha mar merow neb best a yllowgh dybri, neb a dheppro rann a'y gorf a vydh avlan bys y'n gorthugher.

Levitikus 11:40

Ha neb a dheppro an korf a wolgh y dhillas ha bos avlan bys y'n gorthugher; ha neb a dhokko y gorf a wolgh y dhillas ha bos avlan bys y'n gorthugher.

Levitikus 14:8

Ha neb a dal bos glanhes a wolgh y dhillas ha treghi dhe-ves oll y vlew hag omwolghi yn dowr may fo glan; ha wosa henna ev a dheu a-ji dhe'n kamp, mes ev a worta mes a'y dylda seyth dydh.

Levitikus 15:27

Ha piwpynag a docchyo an taklow na a vydh avlan, ha golghi y dhillas hag omvadhya yn dowr, ha pesya avlan bys y'n gorthugher.

Levitikus 16:10

Mes an bogh may koedhas warnodho an prenn dhe vos an bogh-diank a vydh settys bew dherag an Arloedh dhe wul dehwelyans ganso ha dhe vos dannvenys avel bogh-diank y'n difeythtir.

Levitikus 16:25

Hag ev a lesk blonek an offrynn pegh war an alter.

Levitikus 16:28

Hag ev neb a's lesk a wolgh y dhillas ha badhya y gig yn dowr, ha wosa henna ev a dheu a-ji dhe'n kamp.

Levitikus 16:8

Hag Aron a dewl prenn war an dhew vogh, unn prenn a-barth an Arloedh, ha'n prenn arall a-barth an bogh-diank.

Niverow 19:21

Hag y fydh ordenans bys vykken ragdha. Ev neb a skoell an dowr a lanheans a wra golghi y dhillas; hag ev neb a doch an dowr a lanheans a vydh avlan bys an gorthugher.

Ebrowyon 7:19

(rag ny wrug an lagha travyth perfydh); a'y gila, govenek gwell yw dres, dredho may teun nes dhe Dhuw.