Levitikus 16:13 - An Bibel Kernewek 20234 (Kernewek Kemmyn)

¹³ Hag ev a worr an ynkys war an tan dherag an Arloedh, may kwrello kommolenn an ynkys kudha an dregeredhva usi war an dustuni, ma na varwo.

Levitikus 16:13 Iomraidhean Croise

Eksodus 25:21

Ha ty a wra gorra an dregeredhva war an argh; hag y'n argh, ty a wra gorra an dustuni a rov dhis.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Eksodus 30:1

Ty a wra alter dhe leski ynkys warnedhi; a brenn shittim ty a's gwra.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Niverow 16:18

Ytho peub a gemmeras y ynkyslester ha gorra tan ynna ha gorra ynkys warnedha, hag i a sevis orth daras tylda an kuntelles gans Moyses hag Aron.

Niverow 16:46

Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Niverow 16:7

gorrewgh tan ynna ha gorra ynkys ynna a-rag an Arloedh a-vorow, ha'n gour dewisys gans an Arloedh a vydh sans. Hwi res eth re bell, hwi vebyon Levi!’

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

Niverow 4:20

mes nyns ons dhe vires war an taklow sans hwath rag pols, ma na varwons.’

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.