Levitikus 14:8 - An Bibel Kernewek 20234 (Kernewek Kemmyn)

⁸ Ha neb a dal bos glanhes a wolgh y dhillas ha treghi dhe-ves oll y vlew hag omwolghi yn dowr may fo glan; ha wosa henna ev a dheu a-ji dhe'n kamp, mes ev a worta mes a'y dylda seyth dydh.

Levitikus 14:8 Iomraidhean Croise

2 Kroniklys 26:21

Myghtern Uzzia o lovrek bys yn dydh y vernans. Yth esa trigys yn chi dibarth, lovrek, eskes a ji an Arloedh. Y vab Yotham a'n jevo charj a ji an myghtern, ow koverna pobel an pow.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 19:14

Ytho Moyses a dhiyskynnas a'n menydh dhe'n bobel ha sakra an bobel; hag i a wolghas aga dillas.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 14:20

Ha'n oferyas a offrynn an offrynn leskys ha'n offrynn greun war an alter, ha'n oferyas a wra dehwelyans ragdho, hag ev a vydh glan.

Levitikus 14:9

Ha'n seythves dydh ev a dregh oll y vlew; y benn ha'y varv ha'y dhiwabrans, ev a dregh oll y vlew. Ena ev a wolgh y dhillas, ha badhya y gig yn dowr, hag ev a vydh glan.

Levitikus 15:13

Ha pan vo ev neb a'n jeves sygerans glanhes a'y sygerans, ev a niver dh'y honan seyth dydh rag y lanheans, ha golghi y dhillas, ha badhya y gig yn dowr ow resek, hag ev a vydh glan.

Levitikus 8:6

Ha Moyses a dhros Aron ha'y vebyon ha'ga golghi gans dowr.

Niverow 6:9

Ha mar merow den rybdho desempis, hag ev a dhefol y benn sakrys, ena ev a wra treghi gols y benn yn dydh y lanheans; y'n seythves dydh ev a dregh y wols.

Niverow 8:7

Hag yndellma ty a wra dhedha, dh'aga glanhe: gwra skoellya dowr an glanheans warnedha, ha gas i dhe vos gans altenn war oll aga horf, ha golghi aga dillas hag omlanhe.

Dewteronomi 21:12

ena ty a's dre a-bervedh y'th chi, ha hi a dregh gols hy fenn ha dyghtya hy ewines.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.