Levitikus 14:7 - An Bibel Kernewek 20234 (Kernewek Kemmyn)

⁷ Hag ev a'n skoell seythgweyth war neb a dal bos glanhes ha desta y vos glan, ha delivra an edhen vew dhe wari y'n gwel igor.

Levitikus 14:7 Iomraidhean Croise

2 Myghternedh 5:10

Elisha a dhannvonas kannas dhodho, ow leverel, ‘Ke hag omwolghi y'n Yordan seythgweyth, ha dha gig a vydh asverys ha ty a vydh glan.’

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

Salmow 51:2

Golgh vy yn tien a'm anewnder, ha glanha vy dhiworth ow fegh.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 13:13

an oferyas a hwither, ha mar kwrug an lovryjyon kudha oll y gig, ev a dhest an den gans an pla dhe vos glan; oll yw chanjys dhe wynn. Glan yw.

Levitikus 13:17

ha'n oferyas a'n hwither, ha mars yw an pla chanjys dhe wynn, an oferyas a dhest y vos glan neb a'n jeves an pla. Glan yw.

Levitikus 14:51

Hag ev a gemmer an prenn keder ha'n hyssop ha'n pann kogh ha'n edhen vew ha'ga troghya yn goes an edhen ledhys hag y'n dowr ow resek ha skoellya seythgweyth war an chi.

Levitikus 16:14

Hag ev a gemmer rann goes an lodhen ha'y skoellya gans y vys war an dregeredhva troha'n howldrevel, hag ev a skoell rann an goes gans y vys dherag an dregeredhva seythgweyth.

Levitikus 16:19

Hag ev a skoell rann an goes warnodho seythgweyth gans y vys, ha'y lanhe ha'y sanshe dhiworth avlander mebyon Ysrael.

Levitikus 16:22

Ha'n bogh a berth warnodho oll aga hammweythresow bys yn tir ynyal, hag ev a dhelirv an bogh dhe wari y'n difeythtir.

Levitikus 4:17

ha'n oferyas a drogh y vys y'n goes ha'y skoellya seythgweyth dherag an Arloedh dherag an vayl.

Levitikus 4:6

Ha'n oferyas a drogh y vys y'n goes ha skoellya rann a'n goes seythgweyth dherag an Arloedh, a-rag vayl an sentri.

Levitikus 8:11

Hag ev a skoellyas rann anodho war an alter seythgweyth hag untya an alter hag oll an lestri anodho, ha'n wolghell ha'y sel, dh'aga sanshe.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Niverow 19:12

ev a wra omlanhe gans an dowr y'n tressa dydh hag y'n seythves dydh, hag yndellma bos glan; mes mar ny omlanha y'n tressa dydh hag y'n seythves dydh, ny dheu ha bos glan.

Yowann 19:34

Mes onan a'n soudoryon a wanas y denewen gans guw, ha desempis y teuth yn-mes goes ha dowr.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 9:13

Rag mar kyll goes gever ha terewi, ha lusu lejek skoellys war dus dhefolys, sanshe dhe lanheans an kig,

Ebrowyon 9:19

Rag pan veu leverys gans Moyses pub gorhemmynn a'n lagha dhe'n bobel oll, ev a gemmeras goes leughi ha gever, gans dowr ha gwlan kogh ha hyssop, ha skoellya goes ha war an lyver y honan ha war an bobel oll,

Ebrowyon 9:21

Ha war an tabernakel ha'n lestri oll devnydhys yn gordhyans ev a skoellyas goes keffrys.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Yowann 5:6

Hemm yw neb a dheuth dre dhowr ha dre woes, Yesu Krist; ha nyns o unnsel dre dhowr, mes dre dhowr ha dre woes. Ha'n Spyrys yw an dustunier, rag an Spyrys yw gwirder.