Levitikus 14:4 - An Bibel Kernewek 20234 (Kernewek Kemmyn)

⁴ an oferyas a ergh may fo dres rag neb a dal bos glanhes diw edhen vew ha glan, prenn keder, pann kogh ha hyssop.

Levitikus 14:4 Iomraidhean Croise

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Eksodus 12:22

Kemmerewgh tyskenn hyssop ha'y troghya y'n goes usi y'n skudell, ha tochya penn an daras ha'n dhew bost-daras gans neppyth a'n goes usi y'n skudell; ha ny wra nagonan ahanowgh mos yn-mes a dharas y ji bys y'n myttin.

Levitikus 1:14

Ha mars yw y offrynn dhe'n Arloedh sakrifis leskys a ydhyn, ena ev a dhre avel offrynn turennow po kelemmi yowynk.

Levitikus 12:8

Ha mar nyns eus yn hy leuv pygans lowr rag oen, hi a dhre diw durenn po diw golomm yowynk, an eyl rag offrynn leskys ha'y ben rag offrynn pegh, ha'n oferyas a wra dehwelyans rygdhi, ha hi a vydh glan.

Levitikus 14:5

Ha'n oferyas a ergh may fo ledhys onan an ydhyn yn lester a bri a-ugh dowr ow resek.

Levitikus 14:6

Hag ev a gemmer an edhen vew ha'n prenn keder ha'n pann kogh ha'n hyssop ha troghya an re ma ha'n edhen vew yn goes an edhen a veu ledhys a-ugh an dowr ow resek.

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Niverow 19:18

ena gour glan a wra kemmeres hyssop, ha'y dhroghya y'n dowr, ha'y skoellya war an tylda, ha war oll an daffar ha war an dus esa ena, ha warnodho neb a davas an askorn, po an den ledhys, po an den marow, po an bedh;

Niverow 19:6

ha'n oferyas a wra kemmeres prenn keder ha hyssop ha pann kogh, ha'ga thewlel yn mysk losk an lejek.

Ebrowyon 9:19

Rag pan veu leverys gans Moyses pub gorhemmynn a'n lagha dhe'n bobel oll, ev a gemmeras goes leughi ha gever, gans dowr ha gwlan kogh ha hyssop, ha skoellya goes ha war an lyver y honan ha war an bobel oll,