Levitikus 14:34 - An Bibel Kernewek 20234 (Kernewek Kemmyn)

³⁴ Pan dhyffowgh a-ji dhe bow Kanan, a rov dhywgh rag perghennogeth, ha pan worriv pla lovryjyon yn neb chi yn tir dha berghennogeth,

Levitikus 14:34 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:17

Sav yn-bann, kerdh der an pow, der y hys ha der y les, rag my a vynn y ri dhiso.’

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Lavarow Koth 3:33

Yma molleth an Arloedh war ji an drogoberer, mes ev a vennik annedh an re wiryon.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Levitikus 14:33

An Arloedh a gewsis orth Moyses hag Aron ow leverel,

Levitikus 14:55

ha rag lovryjyon dillas ha chi,

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Levitikus 23:10

Kows orth mebyon Ysrael ha leverel dhedha: Pan dhyffowgh y'n tir a rov dhywgh ha mysi y drevas, hwi a dhre manal kynsa frut agas trevas dhe'n oferyas,

Levitikus 25:2

Kows orth mebyon Ysrael ha leverel dhedha: Pan dhyffowgh hwi a a-ji dhe'n tir a rov dhywgh, an tir a with sabot dhe'n Arloedh.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Amos 6:11

Rag otta, an Arloedh a worhemmynn, hag ev a wysk an chi bras yn magoryow, ha'n chi byghan a vydh terrys dhe demmyn.

Mika 6:9

Lev an Arloedh a arm war an sita, ha doethter yw perthi own a'th hanow: Goslowewgh an welenn ha neb a's ordenas!

Zekaria 5:4

My a wra hy dannvon yn-mes, yn-medh Arloedh an luyow, ha hi a enter chi an lader ha chi an den a wowli re'm hanow. Hi a drig yn kres y ji ha'y dhistrui, gans y blenkynnow ha'y veyn.’

Niverow 32:22

ha'n tir bos fethys a-dherag an Arloedh; a-wosa, hwi a wra dehweles ha bos heb blam a-rag an Arloedh hag a-rag Ysrael; ha'n tir ma a vydh agas perghennogeth a-dherag an Arloedh.

Niverow 32:32

Ni a wra tremena ervys a-rag an Arloedh yn pow Kanan, ha ni a with perghennogeth agan eretons a'n tu arall dhe'n Yordan.’

Niverow 35:10

Lavar dhe vebyon Ysrael, Pan dremenowgh dres an Yordan bys yn pow Kanan,

Dewteronomi 12:1

An re ma yw an ordenansow ha'n breusow a wredh aga gwitha ha gul y'n tir a ros an Arloedh Duw dha dasow dhis dh'y erita oll an dydhyow may fewowgh war an dor.

Dewteronomi 19:1

Pan wra an Arloedh dha Dhuw treghi dhe-ves an kenedhlow may hwra an Arloedh dha Dhuw ri dhis aga thiredh, ha ty a gemmer aga eretons, ha triga yn aga threvow ha'ga chiow,

Dewteronomi 26:1

Pan dheudh dhe'n tir a wra an Arloedh dha Dhuw y ri dhis avel eretons ha ty a'n erit, ha triga ynno,

Dewteronomi 27:3

Skrif warnedha oll geryow an lagha ma pan dreusydh, rag may tyffi dhe'n tir a wra an Arloedh dha Dhuw y ri dhis, tir a dhinwa leth ha mel, kepar dell gewsis Arloedh Duw dha dasow orthis.

Dewteronomi 32:49

‘Yskynn dhe venydh an Abarim ma, dhe venydh Nebo usi yn pow Moab, a-dal Yeriko, ha gwel pow Kanan, a rov dhe vebyon Ysrael yn perghennogeth,

Dewteronomi 7:15

An Arloedh a dreyl dhiworthis pub dises; ha ny sett warnas oll an klevesow vil a Ejyp a wodhves, mes ev a's gorr war oll an re a'th kas.

Yoshua 13:1

Gyllys koth o Yoshua yn y dhydhyow; ha'n Arloedh a leveris dhodho, ‘Gyllys koth osta yn dha dhydhyow, hag yma gesys pur veur a dir rag bos eritys.

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.