Levitikus 14:3 - An Bibel Kernewek 20234 (Kernewek Kemmyn)

³ ha'n oferyas a wra mos yn-mes a'n kamp, ha'n oferyas a'n hwither, ha, mars yw an pla a lovryjyon yaghhes y'n klavorek,

Levitikus 14:3 Iomraidhean Croise

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Myghternedh 5:3

Hi a leveris dh'y mestres, ‘Unnweyth a pe ow arloedh gans an profoes usi yn Samaria! Ev a'n yaghhasa a'y lovryjyon.’

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Levitikus 13:2

Pan eus dhe dhen bothenn po krammenn po namm gwynn war gneus y gig, kepar ha'n pla a lovryjyon, ev a vydh dres dhe Aron an oferyas po dhe onan a'y vebyon, an oferysi,

Levitikus 13:46

Oll an dydhyow may ma an pla warnodho, y fydh avlan. Avlan yw; ev a drig y honan. Mes a'n kamp y fydh y drigva.

Levitikus 14:48

Ha mar teu an oferyas a-bervedh ha'y hwithra ha ny wrug an pla omlesa y'n chi wosa an chi dhe vos plastrys, an oferyas a dhest bos an chi glan, rag yaghhes yw an pla.

Matthew 10:8

Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Luk 4:27

Hag yth esa lies klavorek yn Ysrael yn termyn Elisha an profoes, mes ny veu nagonan anedha gwrys yagh marnas Naaman an Syriek.’

Luk 7:22

Hag ev a worthybis ha leverel dhedha, ‘Kewgh dhe dherivas dhe Yowann an taklow a welsowgh hag a glewsowgh: dellyon a wel arta, evredhyon a gerdh, klavorogyon yw glanhes ha'n vodharogyon a glew, an re varow yw drehevys, dhe'n voghosogyon an aweyl yw pregewthys;