Levitikus 14:22 - An Bibel Kernewek 20234 (Kernewek Kemmyn)

²² ha diw durenn po diw golomm yowynk, par dell eus yn y leuv pygans lowr, ha'n eyl anedha a vydh offrynn pegh ha'y ben offrynn leskys.

Levitikus 14:22 Iomraidhean Croise

Salmow 68:13

Kyn hwrowedhsowgh yn mysk an korlannow, yth owgh avel eskelli kolomm kudhys gans arghans, ha'y fluv gans owr melyn.

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

Ysay 38:14

Kepar ha gwennel po garan, yndella y gryllis; my a gynis kepar ha kolomm. Ow dewlagas a fyll ow mires war-vann. A Arloedh, yma ankres dhymm, bydh goestel ragov.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Yeremia 48:28

Gesewgh an sitys, ha trigewgh y'n garrek, hwi annedhysi Moab! Bedhewgh avel an golomm a neyth yn amal ganow kownans.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Levitikus 14:21

Mes mars yw boghosek ha nyns eus yn y leuv pygans lowr dhe gavoes kemmys, ev a gemmer unn oen rag offrynn kammweyth dhe vos gwevys, dhe wul dehwelyans ragdho, hag unn degves rann a efa a vleus fin kemmyskys gans oyl rag offrynn greun, ha log oyl;

Levitikus 14:24

ha'n oferyas a gemmer oen an offrynn kammweyth ha'n log a oyl, ha'n oferyas a's gwev rag offrynn gwevys dherag an Arloedh.

Levitikus 15:14

Ha'n ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas.

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Niverow 6:10

Y'n ethves dydh ev a dhre diw durenn po diw golomm yowynk dhe'n oferyas dhe dharas tylda an kuntelles,