Levitikus 14:14 - An Bibel Kernewek 20234 (Kernewek Kemmyn)

¹⁴ Ha'n oferyas a gemmer rann a woes an offrynn kammweyth, ha'n oferyas a'n gorr war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow.

Levitikus 14:14 Iomraidhean Croise

Eksodus 29:20

ha ty a ladh an hordh, ha kemmeres rann a'y woes ha'y worra war vin skovarn dhyghow Aron ha war vin skovornow dyghow y vebyon, ha war veus aga dorn dhyghow, ha war vys bras aga throes dyghow, ha skoellya goes war an alter a-derdro.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Levitikus 14:19

Ha'n oferyas a offrynn an offrynn pegh ha gul dehwelyans rag neb a dal bos glanhes a'y avlander, ha wosa henna, ev a ladh an offrynn leskys.

Levitikus 14:25

Hag ev a ladh oen an offrynn kammweyth, ha'n oferyas a gemmer rann a woes an offrynn kammweyth ha'y worra war vin skovarn dhyghow neb a dal bos glanhes, ha war veus y leuv dhyghow, ha war veus y droes dyghow.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

1 Korinthianys 6:20

rag prenys a bris vewgh. Gordhyewgh Duw, ytho, yn agas korf.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Dewteronomi 24:8

Yn termyn plag a lovryjyon, gwayt gul gans rach pup-tra a wra an oferysi leviek y dhyski dhis; dell worhemmynnis dhedha, yndella gwayt y wul.

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.