Levitikus 13:45 - An Bibel Kernewek 20234 (Kernewek Kemmyn)

⁴⁵ Ha'n klavorek hag ynno an pla, y dhillas a vydh skwardys, ha gols y benn a vydh ow kregi lows, hag ev a gudh y vinvlew ha kria ‘Avlan! Avlan!’

Levitikus 13:45 Iomraidhean Croise

Jenesis 37:29

Ena Rewben a dhehwelis dhe'n puth, hag otta, nyns esa Yosep y'n puth hag ev a skwardyas y dhillas

2 Samuel 13:19

Tamar a worras lusu war hy fenn, ha skwardya an bows liesliw esa warnedhi, ha gorra hy leuv war hy fenn, ha mones dhe-ves ow kria.

2 Myghternedh 7:3

Yth esa peswar gour klavorek orth entrans an yet. Yn-medhons an eyl dh'y gila, ‘Prag yth esedhyn omma bys pan verwyn?

Job 1:20

Ena Job a sevis ha skwardya y bows, ha treghi gols y benn ha koedha war an dor ha gordhya.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 51:3

Rag my a aswonn ow hammwriansow, ha prest a-dheragov yma ow fegh.

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 36:24

Mes ny's teva own na ny fregsons aga dillas, naneyl an myghtern, na'y servysi neb a glewas oll an geryow ma.

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Ezekiel 24:17

Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Ezekiel 24:22

Ha hwi a wra kepar dell wrugavy; ny gudhowgh ages minvlew na dhybri bara gynoryon.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Levitikus 13:44

gour lovrek yw. Avlan yw. An oferyas a dhest y vos avlan dres eghenn. Yma y bla war y benn.

Levitikus 21:10

Ha neb yw an arghoferyas yn mysk y vreder, may feu dinewys war y benn oyl an untyans, hag yw sakrys dhe wiska an dillas, ny wra ev diskudha y benn na skwardya y dhillas.

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Niverow 5:2

‘Gorhemmynn dhe vebyon Ysrael may korrens yn-mes a'n kamp pub klavorek ha peub a'n jeves sygerans ha pubonan yw avlan dre gestav gans korf marow.

Luk 17:12

Ha pan entras yn unn dre, deg gour klavorek a dheuth er y bynn, ow sevel a-bell,

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’