Levitikus 12:8 - An Bibel Kernewek 20234 (Kernewek Kemmyn)

⁸ Ha mar nyns eus yn hy leuv pygans lowr rag oen, hi a dhre diw durenn po diw golomm yowynk, an eyl rag offrynn leskys ha'y ben rag offrynn pegh, ha'n oferyas a wra dehwelyans rygdhi, ha hi a vydh glan.

Levitikus 12:8 Iomraidhean Croise

Levitikus 1:14

Ha mars yw y offrynn dhe'n Arloedh sakrifis leskys a ydhyn, ena ev a dhre avel offrynn turennow po kelemmi yowynk.

Levitikus 12:7

Ev a's offrynn dherag an Arloedh ha gul dehwelyans rygdhi, ha hi a vydh glanhes a fenten hy goes. Hemm yw an lagha rygdhi hi neb re dhineythis gorreydh po benynreydh.

Levitikus 13:1

An Arloedh a gewsis orth Moyses hag Aron, ow leverel,

Levitikus 14:21

Mes mars yw boghosek ha nyns eus yn y leuv pygans lowr dhe gavoes kemmys, ev a gemmer unn oen rag offrynn kammweyth dhe vos gwevys, dhe wul dehwelyans ragdho, hag unn degves rann a efa a vleus fin kemmyskys gans oyl rag offrynn greun, ha log oyl;

Levitikus 14:22

ha diw durenn po diw golomm yowynk, par dell eus yn y leuv pygans lowr, ha'n eyl anedha a vydh offrynn pegh ha'y ben offrynn leskys.

Levitikus 15:14

Ha'n ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas.

Levitikus 15:15

Ha'n oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.

Levitikus 15:29

Ha'n ethves dydh hi a gemmer diw durenn po diw golomm yowynk ha'ga dri dhe'n oferyas, dhe dharas tylda an kuntelles.

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 5:11

Mes mar nyns eus yn y leuv pygans lowr rag diw durenn po diw golomm yowynk, ev a dhre y offrynn rag an pegh a wrug, unn degves rann a efa a vleus fin rag offrynn pegh. Ny worr oyl warnodho, ha ny worr frankynkys warnodho, rag offrynn pegh yw.

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Matthew 21:12

Ha Yesu a entras y'n tempel hag a dewlis yn-mes oll an re esa ow kwertha hag ow prena y'n tempel hag ev a dhomhwelis moesow an arghansoryon hag esedhow an re esa ow kwertha kelemmi,

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.