Levitikus 12:6 - An Bibel Kernewek 20234 (Kernewek Kemmyn)

⁶ Ha pan vo kowlwrys dydhyow hy glanheans rag mab po rag myrgh, hi a dhre oen unn bloedh rag offrynn leskys, ha kolomm yowynk po turenn rag offrynn pegh bys yn daras tylda an kuntelles, dhe'n oferyas.

Levitikus 12:6 Iomraidhean Croise

Jenesis 15:9

Hag ev a leveris dhodho, ‘Kemmer ragov lejek tri bloedh ha gaver tri bloedh ha hordh tri bloedh ha turenn, ha kolomm yowynk.’

Levitikus 12:2

Kows orth mebyon Ysrael, ow leverel: Mar kwra benyn konsevya has ha dineythi flogh gorow, hi a vydh avlan seyth dydh; kepar hag yn dydhyow hy amseryow misyek y fydh hi avlan.

Levitikus 12:5

Mes mar kwra hi dineythi flogh benow, avlan vydh diw seythun kepar hag yn hy amseryow misyek, ha hi a bes hwegh dydh ha tri-ugens yn goes hy glanheans.

Levitikus 12:7

Ev a's offrynn dherag an Arloedh ha gul dehwelyans rygdhi, ha hi a vydh glanhes a fenten hy goes. Hemm yw an lagha rygdhi hi neb re dhineythis gorreydh po benynreydh.

Levitikus 14:22

ha diw durenn po diw golomm yowynk, par dell eus yn y leuv pygans lowr, ha'n eyl anedha a vydh offrynn pegh ha'y ben offrynn leskys.

Levitikus 15:14

Ha'n ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas.

Levitikus 15:29

Ha'n ethves dydh hi a gemmer diw durenn po diw golomm yowynk ha'ga dri dhe'n oferyas, dhe dharas tylda an kuntelles.

Niverow 6:10

Y'n ethves dydh ev a dhre diw durenn po diw golomm yowynk dhe'n oferyas dhe dharas tylda an kuntelles,

Luk 2:22

Ha pan veu kowlwrys dydhyow aga glanheans herwydh lagha Moyses, i a'n dros yn-bann dhe Yerusalem rag y brofya dhe'n Arloedh,

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.